السلام عليكم ورحمة الله وبركاته
هنا الجزء الاول من النكت المغربية فقط


لاتتعدى المشاركة ثلاث نكت


************************
واحد وقفو بوليسي فالسيارة نتاعو

- البوليسي: مالك مادايرش السمطة
- الرجل: نسيتها فالسروال لاخر
- البوليسي: ارا لوراق ديال طوموبيل
ملي عطاهم لو قالو شفتك ماكاتبانش (زعما فالصورة)
- الرجل: والو الشاف غير من الخدمة لدار ومن الدار لخدمة
- البوليسي: واش هاد طوموبيل مسوريا
- الرجل: لا، …..من الناضور
- البوليسي: واش مزوج
- الرجل: ايه مزوج بمرا
- البوليسي: واش شفتي شي واحد مزوج براجل
- الرجل: ايه
- البوليسي: !!!!!!!!؟؟؟؟؟؟؟؟ شكون
- الرجل: ختي



***************************

هادو جوج عيالات تايتعاودو على الرجال وهمهم...
الأولى قالت للتانية:ياختي راجلي تاينسى بزاف،تصوري تايجي من الخدمة وتيسولني فين كنت؟
وتنخرجو بالطوموبيل وتيسولني فين غاديين؟

قالت ليها لخرى: سعداتك ياختي أنت حسن مني،أنا راجلي راه تنحل ليه الباب وتيقولي:مانعرف فين شفت هاد الكمارة؟


**********************************

-وحدة تقول لراجلها...؟
واش رأيك نذبح خروفين بمناسبة مرور 10 سنوات على زواجنا...؟

قال زوجها..؟
وشنو ذنب الخروفين في غلطة ارتكبها حمار!!؟

السلام عليكم ورحمة الله وبركاته
ننتظر الجزء الثاني بفارغ الصبر أضحك الله سنك.
شكراً لك اخي الكريم.

السلام عليكم ورحمة الله وبركاته
ننتظر الجزء الثاني بفارغ الصبر أضحك الله سنك.
شكراً لك اخي الكريم.




راحنا باقين غير في الجزء الاول
حتى نديرو شي 50 او 60 مشاركة
ومن بعد نمشيو للجزء الثاني
الى عندك باش تشاركي غير شاركي
ولكن تكون مغربية ماشي من دولة اخرى

السلام عليكم ورحمة الله وبركاته


أضحك الله سنك

-وحدة تقول لراجلها...؟
واش رأيك نذبح خروفين بمناسبة مرور 10 سنوات على زواجنا...؟

قال زوجها..؟
وشنو ذنب الخروفين في غلطة ارتكبها حمار!!؟

هههههههههههههههههههههههههههههههههههههههههههههههههه هههههههههههههههههه
أضحك الله سنك فعلا نكت مغربية حلوة وراح ارد عليك بنكت فلسطينة يلا استقبل واضحك

وحدة اتصلت على حبيبها,خبرته اهلي مسافرين و انا لحالي بالبيت,رد عليها طيب حبيبتي اقرأي قرآن و تخافيش.
--------------------------------------------------------------------------------
محششين بدهم يفجروا مبنى.حطوا القنبلة اول طابق و شردوا عالسطوح,
--------------------------------------------------------------------------------
مره الخلايله عملو مدينة ملاهي متل ديزني لاند,
سموها دزني وادزك
--------------------------------------------------------------------------------
واحد بتعشى مع مرتو؟ بعد شوي ! قالها الزيتونه الها إجرين ؟!
قالت : لاء، قال اعطيني مي الظاهر اكلت صرصور
--------------------------------------------------------------------------------
ميكانيكي اشترى سرير - نام تحته
--------------------------------------------------------------------------------
في محشش كل ما شاف البرق ابتسم ليش؟؟؟ يحسب أنو حد يصوره.
--------------------------------------------------------------------------------
سألوا محشش لماذا سمت قناة السويس بهذا الاسم؟
رد وقال: لأنه السفن بتمشي بسويس بسويس
--------------------------------------------------------------------------------
واحد بسآل صاحبو شو اخبار ابوك???
الا هو اتزكر انو ابوه ميت الا هو حكالو يعني كماه في نفس القبر
--------------------------------------------------------------------------------
مرة واحد مسطول قال لصاحبة :ليه عود الكبريت ما بيولع رد الثاني:غريبة مع اني مولعه من شوي
--------------------------------------------------------------------------------
كان في تنين بالسيارة فقال الاول :انا بردان من الشباك فأجاب الثاني:وانا محمود من القاهره
--------------------------------------------------------------------------------
طفيلي راح يخطب وحده قدمتله شاي فيه كيس ليبتون, قال: هلا هلا بلشنا
حجابات
--------------------------------------------------------------------------------
طفيلي تاجر مخدرات... نزل اعلان بالجريده: عنا طحين من اللي بالي بالك
--------------------------------------------------------------------------------
فتحت كازية جنب بيت واحد خليلي ..قال يسعد الله بنصير نروح نعبي البنزين مشي
--------------------------------------------------------------------------------
اهبل راح يشتري لامه دوا من الصيدلية
رجع لقاها ميتة قال شو هالبرادة!!!!!!!
--------------------------------------------------------------------------------
قال في مرة واحد عم يحشش قام وقع من الطابق العاشر قام هو و واقع صار يقول
يا رب آخر مرة,يا رب رح صلي
,يا رب رح صوم.....
قام وقع على عربة قش لما وقف قال
يا زلمة وقت يكون الواحد دايخ شو بيخطر بباله شغلات.....
--------------------------------------------------------------------------------
مره دوده فاتت تتحمم .... لقت المي مقطوعه
قالت: شو يعني .. إندوّد
--------------------------------------------------------------------------------

السلام عليكم ورحمة الله وبركاته

ههههههههههههه

أضحك الله سنك وفرج همك

واحد تالف كيسول واحد ماشى فى الشارع


اشنو هي اسرع طريق تديني للمستشفى ؟؟



قالو غمض عينك واقطع الشارع دبا توصل

********************************

افرقي من الي حاركين في المغرب ساعد واحد العجوز طايحه على الارض

قالت العجوز: بيض الله وجهك

جاوبها الافريقي: مافي أمل...

واحد تالف كيسول واحد ماشى فى الشارع


اشنو هي اسرع طريق تديني للمستشفى ؟؟



قالو غمض عينك واقطع الشارع دبا توصل


ههههههههههههههههههههههههههه
اضحك اله سنكم جميعا

طفيلي راح يخطب وحده قدمتله شاي فيه كيس ليبتون, قال: هلا هلا بلشنا
حجابات
--------------------------------------------------------------------------------
--------------------------------------------------------------------------------
قال في مرة واحد عم يحشش قام وقع من الطابق العاشر قام هو و واقع صار يقول
يا رب آخر مرة,يا رب رح صلي
,يا رب رح صوم.....
قام وقع على عربة قش لما وقف قال
يا زلمة وقت يكون الواحد دايخ شو بيخطر بباله شغلات.....
--------------------------------------------------------------------------------


ههههههههههههههههه

أضحك الله سنك

ههههههه اضحك الله سنك اخي

هادي واحد المرا بغات تركب طاكسي وهي تسول مولاه: بشحال أولدي كتدي لحي المقاومة؟
قال ليها: 15 درهم
قالت ليه: والسيكان؟
قال ليها: السيكان فابور
قالت ليه: إيوا هاك أولدي دي ليا هاد السيكان هاني غادي نلحق بيك على رجلي

------------------------------------------------------------------------
واحد مكلخ دار إيدو ف الما القاطع و دابت ليه. هو يدخل راسو باش يقلب عليها

---------------------------------------------------------------------------

واحد عيط لمراتو وقال ليها: وجدي ليا الما السخون
قال ليه صاحبو: وايني راجل أصاحبي
قال ليه الراجل: إيوا شنو بغيتي؟ نغسل الماعن بما بارد؟

واحد راسو كبير ديما واحد لبرهوش كايقول ليه ناري كون كنتي ملك... ديما .. واحد نهار شدو قال ليه اش هايطرا كون كنت ملك.. قال ليه الدرهم هاتكون قد الصينية
واحد معلم فواحد القسم ديال الكسالى رسم لهم ضفدعة حداها رقم 1 ..كل واحد كيف تكون اجابتو"ظفدعة و1ٍٍ" ."1 ضفدعة"...في ألأخير ناض واحد الكسول اجاوب و قال : ضفدعتعشر
قال ليك هدا واحد المعلم دوز بزاف ديال السنوات فالخدمة وكل عام تيجيه تعيين فشي دوار فيه بئر ..قرا في بئر انزران ..صيفطوه لبئر لشي حاجة اخرى ..والسيد كعا وجا للنيابة قال للنائب دخلت عليك بالله واش انا معلم لا ودلو فين ما كاينشي بير تصيفطوني ليه …

*_قال ليك هذا واحد المعلم وفرملي جيران ..نهار العيد الكبير المعلم ذبح الحولي وهو يقسمو على 365 يوم ..ودازت الايام ديال العيد ..وكل نهار تيسمع الحولي ديال جاور الفرملي تيغوث وفنفس الوقت تيشم ريحة الشوا…وفالغد بقا عساس حتى سمع غواث الحولي وهو يطل من الضواية لقاه الفرملي تيقطع من الحولي شوية وتيدير ليه بلاصتها الدوا الحمر والفاصمة…
دهب ولد الى متجر وقال لصاحبه هل عندك
سكر اجاب صاحب المتجر نعم تم قال له الولد الله يشافيك

------------------------------------------------------------------------
واحد مكلخ دار إيدو ف الما القاطع و دابت ليه. هو يدخل راسو باش يقلب عليها

---------------------------------------------------------------------------


هههههههههههههه
يسولني انا الي عارف حر الماالقاطع

شكرا على المساهمة

وعليكم السلام ورحمة الله وبركاته

ههههههههههههه هي اخي مجرب حر الما القاطع

نكت جديدة موديل 2010



تلميذة مشاغبة ارسلتها المعلمة للمدير . المدير: ماذا فعلت؟ التلميذة : أنا؟ ما قمت بشئ ، رميت وردة مالشّباك . المدير :فقط ؟ حسنا ارجعي لفصلك. بعد قليل اتت بنت اخرى كلها دماء وحالتها مزرية . قال لها المدير : و انت ماذا تريدين ايضا ؟ قالت له : انا هي وردة !!!!!

++++

هادو جوج مساخيط. اللول قال للتاني: أنا مسخوط كتر منك
قال ليه التاني: لا، أنا مسخوط كتر منك
ناض اللول شاف واحد المرة شارفة دايزة و عطاها قتلة ديال العصا. مشى عند صاحبه قال ليه: شفتي؟ حتى الشارفات ما يزهقوش من بين إيديا
التاني شداته الموت ديال الضحك، و قال ليه: إيوا شفتي راه هادي مي، و كاع ما فكيتهاش منك

++++

هادا واحد الولد ساقط ورا النتيجة ديالو لباه. عطاه باه قتلة ديال العصا وقال ليه يا الكسول أشنو كنتي كتدير ملي كانو قرانك كيقراو
منين كمل معاه جات نوبة خوه. ورا لباه النتيجة اللي مكفسة بحالها بحال ديال خوه. شاف فيها باه وهو يقول ليه: سير أولدي الله يهديك، ولكن العام الجاي خاصك تدير حسن من هاكا.
الولد اللي كلا العصا بغى يحماق ما فهمش القضية كيدايرة. وهو يسول خوه: كيفاش زعما بجوجنا ساقطين وأنا ناكل العصا ونتا لا؟
قال ليه خوه: حيت حطيت ليه مية درهم ف وسط النتيجة

++++

واحد سكران رجع للدار مع الخمسة د الصباح. حلت ليه بنتو وهو يقول ليها: فين كنتي حتال هاد الوقت؟ رجعي فين كنتي!
هو يسد عليه الباب وبات ف الزنقة

++++


واحد المعلم عزيزعليه يسلخ الدراري. شد واحد الولد وسولو: باش تغديتي اليوم؟
جاوبو: بالمرقة. هز المعلم العصا وبدا يضرب فيه: ها البطاطا، ها خيزو، ها اللفت، ها اللحم، ها البصلة... حتى شبعو عصا
داز على التلاميد كلهم حتى وصل عند واحد العايق سولو: باش تغديتي؟
هو يقول ليه: بمسكة
وقف المعلم شوية يفكر، وهز العصا حتى السما هو يعطيه: ها الكاغيط الفوقاني، ها الكاغيط التحتاني، ها نضغ نضغ نضغ نضغ

++++

هذا واحد الدري تعلم لتجارب واحد نهار جا عند صحابوا قالو ليه دير لينا شيتجريب وهو يشد مش قطع ليه رجل وحدة وقال ليه أجي وهو يجي عندو وقطع ليه رجل تانية قال ليه أجي وهو يجي وهو يقطع رجل تالتة قال ليه أجي وهو يجي وهو يقطع ليه رجل رابعة قال ليه أجي ماجاش وهو يقول لصحاب نستنتج من خلال هته التجبه أننا عندما نقطع للقط الأرجل الأربعة يفقد حاسة السمع

++++


هدا واحد الراجل كان غادي ف الطريق وهو يبزق عليه واحد الطير
شاف البزق و قال: حمدتك يا ربي مني ما عطيتيش للبقر الجناوح





++++

واحد مول الطاكسي كان راكب عندو واحد خينا مبوق ملي ضرب واحد الراجل
مول الطاكسي مخلوع قال للمبوق: نزل أخويا الله يرحم باك شوف ياك ما مات
نزل المبوق وقال ليه: رجع شوية اللور، زيد شوية القدام على ليسر... زيد مازال... صافي بركة. دابا مؤكد قضيتي عليه دابا يالاه مات

++++

الفروج قال للدجاجة: أشنو فايدة اللي كيبيض البيض للناس باش ياكلوه؟
قالت ليه الدجاجة: إيوا بعدا حسن من اللي كيودن وما كيصليش

++++

واحد الراجل قال لمرتو: وجدي راسك اليوم غادي نتعشاو برا
ملي رجع للدار ف العشية، لقاها حطات الميدة ف الزنقة

++++




هادا واحد عندو واحد الكتكوت مفترس. كيديرو مع الدجاج كياكل ليه الدجاج. دارو مع الحوالا خرج ليه على الحوالا. دارو مع البقر، لقاه فرتك ليه البقر. الراجل طلع ليه الدم وهي يدي داك الكتكوت رماه ف الصحرا
مللي دازو 3 ايام، الراجل بقى فيه الكتكوت قال يمشي يطل عليه. مللي وصل للصحرا لقاه مرمي ف الرملة والنسور كيحومو عليه. جرا عندو الراجل وقال ليه: مييييمتي الكتكوت ديالي مات
قال ليه الكتكوت : الله يعطيك الويل خرجتي ليا على البلان (داير راسو ميت باغي يصيد النسور ) خخخ


++++


هادا واحد مبوق وصل حدا البوتو ديال الضو وبدا يدق يدق يدق، يصحاب ليه واش دارهم
جا عندو واحد آخر مبوق كتر منو، قال ليه: أشنو كدير أصاحبي؟
قال ليه المبوق اللول: كندق على دارنا وحتى واحد ما حل ليا
طلع المبوق لاخور راسو وهو يقول لصاحبو: إيوا العجب... راهوم شاعلين الضو زعما

++++

واحد الشفار بغى يتوب وهو يسرق جوج سيديات ديال القرآن

++++

هادا واحد عندو تلاتة د الشعرات ف راسو. مشى عند الحلاق وقال ليه: دير ليا فرقة من الجنب
الحلاق جا يدير ليه الفرقة من الجنب تقطعات ليه واحد الشعرة
قال ليه الراجل: واخا دي ليا الفرقة ف النص
الحلاق جا يدير ليه الفرقة ف النص تقطعات ليه شعرة أخرى
قال ليه الراجل: عرفتي أشنو تدير؟ دير ليا تشويكة

++++
واحد الصحفي مشى لسبيطار الحماق باش يدير لقاء مع الطبيب
الصحفي: كيفاش كتعرفو اللي مسطي من اللي بعقلو؟
الطبيب: كنديرو الاختبار ديال البينوار
الصحفي: واشنا هو هاد الاختبار؟
الطبيب: كنعمرو البينوار بالما وكنعطيو للمريض معيلقة، غراف، وسطل. وكنقولو ليه يخوي البينوار
الصحفي: وطبعا إيلا استعمل المعيلقة أولا الغراف كيكون هبيل، وإيلا استعمل السطل كيكون بعقلو
شاف فيه الطبيب وقال ليه: إيوا ف الحقيقة اللي بعقلو غادي يحل السيفون صافي... بغيتي الشرجم ديال بيتك يطل على الشانطي أولا على الجردة؟(الصحفي براصو تشد فالصبيطار حيت هبيل )

++++

واحد مكلخ قال لصاحبو: البارح ما نعستش مزيان ف التران
قال ليه صاحبو: وعلاش؟
قال ليه المكلخ: لحقاش كنت ناعس ف البلاصة الفوقانية
قال ليه صاحبو: وعلاش ما تبادلتيش مع مول البلاصة التحتانية؟
قال ليه المكلخ: حيت كانت خاوية وماكانش فيها حتى واحد باش نتبادل معاه

++++

واحد البنت قالت لباها راه واحد ولد الناس بغى يخطبني وما فيه حتى عيب. قال ليها باها واخا، قولي ليه يجي نشوفو
جا الخطيب وجلس مع بات البنت وهو كيمضغ المسكة وهو يقول ليه الراجل: مرحبا بيك أولدي. ولكن واش ما جاتش ف شكل تمضغ المسكة ونتا جاي تخطب؟
قال ليه الشاب: ولكن أ عمي، المسكة ضرورية من بعد ما يكمي الواحد كارو
قال ليه الراجل: هي كتكمي؟
قال ليه الشاب: شوية وصافي، مع شي كويس ديال الشراب
قال ليه الراجل: وزايدها كتسكر؟
قال ليه الشاب: مرة مرة، ملي كنقمر
قال ليه الراجل: وفين كتلعب القمار؟
قال ليه الشاب: ف واحد الكاباري
قال ليه الراجل: ومن إمتى ونتا كتمشي للكاباريهات؟
قال ليه الشاب: من نهار خرجت من الحبس
قال ليه الراجل: وعلاش دخلتي الحبس؟
قال ليه الشاب: حيت ضربت واحد الراجل بالموس وقتلتو
قال ليه الراجل: وعلاش قتلتيه؟
قال ليه الشاب: حيت ما بغاش يجوجني بنتو
قال ليه الراجل: على بركة الله، نجيبو العدول دابا

++++

واحد عيط لمراتو وقال ليها: وجدي ليا الما السخون
قال ليه صاحبو: وايني راجل أصاحبي
قال ليه الراجل: إيوا شنو بغيتي؟ نغسل الماعن بما بارد؟

++++

هادا واحد التلميد قال ليه المعلم: عطيني خمسة ديال الحيوانات
قال ليه التلميد: بقرة و كلب و تلاتة ديال الحمامات

++++

واحد مبوق طاح من فوق العمارة وتجمعات عليه الجوقة
سولوه الناس: أشنو وقع؟
قال ليهم: ما عرفتش، أنا يالله جيت

++++

هادا واحد مبوق جالس ف القهوة مع الدراري كيتفرجوا ف ماتش مباشر
الناس داخلين مع الماتش غوتو: دابا يتماركا البيت اللول، وفعلا تماركا
شوية ناضو تاني: دابا يتماركا البيت التاني، وشوية تماركا البيت
خينا اللي مبوق طلع ليه الدم وهو يقول ليهم: خوتي، اللي فايت ليه شاف الماتش يسكتنا الله يرحم بّاكم

++++

واحد سول صاحبو: أشنو سمية رونالدينو؟
قال ليه: سميتو صالح
سولو صاحبو: وكيفاش عرفتيها؟
قال ليه: سمعت المديع ف الماتش قال خطأ لصالح رونالدينو

++++

واحد الولد سول باه: كيفاش نعرف واش الواحد سكران؟
قال ليه باه: السكران أولدي غادي يقول ليه راه هادوك ربعة د الشجرات ماشي جوج
منين تلفت الولد فين شير باه وهي تبان ليه غير شجرة وحدة

++++

هادا واحد التزم وولى كيحشم وبغى يتجوج
قالت ليه أمه: كيفاش بغيتي مرتك تكون أولدي؟
قال ليها: بغيتها والعياذ بالله والعياذ بالله والعياذ بالله تكون بحال نانسي عجرم

++++

جوج مشاو للمحطة د التران ولقاوه بدا كيتحرك. واحد لحقو نقز فيه وركب، ولاخور ميت بالضحك ما ركبش. مللي سولوه مالك؟ قال ليهم: هاداك المكلخ راه غير جا يوصلني

++++

مكلخ خطف مكلخة ودارها ف الطوموبيل. البنت بدات كتغوت
قال ليها المكلخ: غادي تسكتي أولا غادي تنزلي
قالت ليه: لا صافي هاني سكت

++++

واحد قال لصاحبو: بغيت ندير مفاجأة لمرتي بمناسبة عشر سنين د الجواج
قال ليه: واشنو غادي تدير ليها؟
قال ليه: غادي نديها للشينوا.
قال ليه صاحبو: الله ياودي! إيلا ف عشر سنين ديال الجواج ديتيها للشينوا، أشنو غادي تدير ليها ف العيد الخمسين د الجواج ديالكم؟
قال ليه: غادي نمشي نجيبها من تما.

++++

هادا واحد سمع الغوات عند الجيران ف نصاصات الليل ومشى يشوف أشنو واقع، قالو ليه الما د الروبيني فيه التسمم.
رجع الراجل لدارو وسولاتو مرتو: أشنو واقع؟ قال ليه راجلها: أوالو داكشي. شربي ليك شي كاس ديال الما ونعسي بغا يقتلها خخخ

++++

واحد قال لمرتو: أنا اليوم بغيت الرومانسية ف الدار.
المرا مشات سولات ماماها: مي، أشنا هي الرومانسية؟
قالت ليها ماماها: ما عرفتش أبنتي، ولكن احتياطا رقدي الحمص.

++++

هادا واحد الطير خرج ف الجاج ديال واحد الطوموبيل. مول الطوموبيل داه للدار ودارو ف قفص. ملي فاق الطير لقى راسو محبوس ف القفص وهو يقول: أواه! زعما يكون الراجل مات؟ يصحابليه مشدود

++++

واحد غليض بزاف داز للفرماسيان باش يعبر، وهو تخرج ليه الورقة ديال الميزان مكتوب فيها: خوتي، واحد بواحد الله يخليكم

++++

واحد ديما مقلق تزوج بوحدة ديما مقلقة و عصبية بحالو. النهار اللي جا الطبيب يولد مراتو خرج الولد تيقول للطبيب: سير بحالك ... بعّد مني ... هاني غنخرج ... وافوتني

++++

هادا واحد مكلخ سول صاحبو قال ليه: علاش الورق ديال الشجر كيسقط ف الخريف؟
رد عليه صاحبو قال ليه: حيت ما قرا والو ف الصيف

++++

هادا واحد طلع للطوبيس وشاف واحد البنت جالسة وعجباتو. ضحك ليها وضحكات ليه. غمز ليها وغمزات ليه. مشى عندها قال ليها نزلي ف البلاكة الجاية. هي نزلات وهو جلس ف بلاصتها

++++

واحد مبوق حيد جلابتو وعلقها. شوية وهي تطيح هاديك الجلابة، وهو يقول مع راسو: الحمد لله مللي ما كنتش فيها

++++

هادا واحد مسيفط ختو تشوف ليه النتائج ديال الامتحانات. اتفق معاها تقول ليه ف التلفون إيلا سقط ف مادة وحدة: سلم عليك محمد. إيلا سقت ف جوج مواد: سلموا عليك محمد و محمد. إلخ
المهم مشات البنت تشوف النتائج وعيط ليها خوها، قال ليها: أ من درا؟ قالت ليه ختو: سلمت عليك أمة محمد كلها

++++

هادو 2 دراري تعطلوا على المدرسة. سولهم المعلم : علاش تعطلتوا؟
قال ليه واحد: راه طاحت ليا 10 د الدراهم.
و هو يسول المعلم التاني: و نتا مالك؟
قال ليه لاخور: راه كنت داير رجلي عليها.

++++

واحد قواس كيتفرج ف ماتش. مشى يشرب تسجل هدف بلا مايشوفو، منين دارو الإعادة ماتماركاش

++++

هادا واحد كياكل بلا مايقول بسم الله. واحد النهار كلا كسكسو بالحرور وهو يهز مونادا باردة و قال بسم الله و شربها، وقال للشيطان: ودابا شوف باش تبرد

++++

هادا واحد ضرب التلفون لصاحبه حيت مزير ف شي فلوس. هوما غاديين ف المكالمة عادي، حتى جات سيرة الفلوس، غير طلب اللول من صاحبو شي فليسات و هو يرد عليه: الرقم الذي تطلبونه غير موجود، المرجو عدم الاتصال لاحقا

++++

هادا واحد ناشط مشى عند مول الحانوت قال ليه: عندك قنبولة ديال 180 ريال؟ بغيت نضحك مع مالين الدار.
قال ليه مول الحانوت: زيد درهم و شري بوطة صغيرة و هجرو ليهم.

++++

دجاجة باضت بيضة بدون قشر ة لماذا ؟ لانها استعلمت شامبو ضد القشرة

+++++

الزوج أظن انني مشرف على الموت لذا أوصيك أن تهدي ملابسي الجديدة لزوجك بعدي
الزوجة:ولكنه أطول منك بكثير

++++

في احد الايام هجم و حش على امريكا ولم تجد له حلا و بدات كل
الدول تتضامن معها كل واحد مادا يرسل واحد يرسل صواريخ و الاخر اجهزة متطورة و اخر قنابل نووية…و المغرب ارسلت لهم شرطي دهب دلك الشرطي الى الوحش و قال له شيئا و بدا الوحش
بالبكاء اليوم كله و في اليوم التالي دهب الشرطي الى الوحش و قال له شيئا و بدا الوحش بالضحك اليوم كله و في اليوم التالت دهب الشرطي الى الوحش و قال له شيئا و اختفى الوحش(هرب)
عندما رجع الشرطي الى المغرب سالوه مادا قلت للوحش اجابهم
قلت له انا اعمل شرطي في المغرب و هو بدا يبكي النهار كله
و من بعد قلت له اكسب 1000 درهم مغربي في الشهر وهو بدا يضحك اليوم كله و المرة التالتة قلت له ساخدك معي الى المغرب

السلام عليكم ورحمة الله وبركاته

هههههههه
اضحك الله سنك اختي ام الاء

:p




بسم الله الرحمن الرحيم السلام عليكم ورحمة الله وبركاته




هدا واحد تيتحشش في سطح عمارة من 15 طابق


هو يصوني تليفون الوا احمد باك و مك



ضربهم طاكسي في نيويورك و ماتوا


هو يطلع ليه الدم وتلاه من السطح

لما وصل الطابق 13 تفكر انه ما سميتوش احمد

ولكن روطار

لما وصل الطابق 11 تفكر انه معندوش امه وباه في مريكان

ولكن روطار

لما وصل الطابق 9 تفكر انه باه و امو ماتو شحال هادي

ولكن روطار......

السلام عليكم ورحمة الله تعالى وبركاته
جزاك الله خيرا اخي الكريم

[FO
NT="Arial Black"][/FONT

هدا واحد فقير تياكل غا الخبز م اتاي

و ماتقولش بسم الله هو يقول ليه الشيطان

و قول اصاحبي بسم الله راك قهرتيني بالخبز واتاي

...........

واحد بليد مشا يسيري السباط عند السيرور
هو يقوليه السيرور تصور نحن 3 اخوة.واحد فينا في المانياو التاني في السويد

تصور الثالث فين هو.قليه يكون امريكاقاليه الا اصحبي هاهو تسيري حداك

لما رجع بلده جمع اصحابوا هو قول ليهم.تصورو معي نحن 3 اخوة واحد فيناالمابيا


و التاني في السويدو الثالث فين هو كلها اش تيقول شي فرنسا شي كندا شي.....

هو يقول ليهم الا راه في المدينة..... تا سيسيري السبابط.


................

جا وقت العيد الكبير و ماعندوش باش يعيد و مارضاش الناس يعرفوا

ما سجل صوة الحولي في شريط و بقا مر مر تيطق تجيل باع باع باع

ولكن الجران عاقوا بيه و في نفس الوقت ما بغاوش يحرجوه

تفاهم و شراو الحولي و جابوا ليه في الليل و قاليه هدا من عند واحد المحسن

قاليه لكن انا عندي الحولي هو يطق التسجيل .قاليه الرجل هداك


تمصق عليه و هدا عيد عليه:D

السلام عليكم ورحمة الله وبركاته
اضحك الله سنكم جميعا
وشكرا لكم/لكن على المشاركة

نتابع ....

+++

سألوا فرنسي وانجليزي ومغربي ، اشنو أسرع شيء في الدنيا ؟ قال الفرنسي: الضوء . قال الانجليزي: التفكير .
وقال المغربي: الإسهال !! لأنه إلى جاك متتلحقش لا تضوي الضو ولا تفكر.......

+++

هدا واحد سول صاحبو شنو هي ’pourquoi’ بالعربية جاوبو صاحبو علاش قاليه لا غير سولتك.

+++

واحد قال لصاحبه: مشيت للحمام وهو يدخل لي الماء لودني.. قال ليه: ذخل ليها الضوء وكريها..

+++

واحد قالو ليه مني تاكل سمي الله راه الشيطان تياكل معاك ناض دار السم في الماكلة

+++

أحول ضرب راسو مع الحيط قال : آآح أمي رجلي..

+++

واحد...دخل على ولادو اللي ناعسين وطاح فيهم ضرب...هو يضرب وهم يغوتو...وهو يضرب ويقول....إنتم 3 ومشغلين الفرفرة (المروحة) على خمسه المجرمين ؟؟

+++

وحده تقول لزوجها يا ليتني أخذت إبليس ولا أخذتك قال: لا ... ما يجوز أخ ياخذ أخته!

+++

مرة واحد غبى واقف في الشارع و تيتكلم في المحمول وكيغوت و يقول: واغير عاو دوري تاني، دوري مليح. واحد دايز في الشارع شافو وجاه قال له: مالك ياك لاباس ؟؟؟ وهو يخد البورطابل من عندو وكيسمع... لقى .... الرقم الذي طلبته غير موجود المرجو اعادة النداء لاحقا!!!


يتبع.....

السلام عليكم ورحمة الله وبركاته

اضحك الله سنك اخي عبد المجيد

هادا واحد مشى للسوق وشرا دلاحة
منين حلها خرج ليه عفريت وقال ليه: طلب وتمنى
قال ليه الراجل: بغيت دار
قال ليه العفريت: ما لقيتها حتى أنا اللي ساكن ف دلاحة

================================================== =========


هادو جوج غاديين ف الغابة وهو يخرج ليهم سبع. ناض اللول ضرب السبع بحجرة كبيرة وهرب كيجري. شوية وهو يتلفت وراه وبان ليه صاحبو كاع ما كيجريش. قال ليه: وا مالك أصاحبي ماكتجريش؟
جاوبو صاحبو: وعلاش نجري؟ مالي أنا اللي ضربتو؟

================================================== ====================================
واحد الدجاجة انتحرت و كتبات ف الوصية ديالها: إيوا شبعوا بضامة البنة