|
مشاهدة النسخة كاملة : جميع قصائد الملحون هنا من فضلكم عبد اللطيف بوكرن 12-05-2010, 09:40 السلام عليكم ورحمة الله وبركاته أهيب بجميع الشعراء ألذين يكتبون في الملحون المغربي و الشعر بالدارجة ان يضعوا أشعراهم هنا لكتوين موسوعة شعرية في الملحون أم آلآء 13-05-2010, 10:58 سأكون وفيّة لقراءة هذه الصفحة لأني من عشاق الملحون و كل ما هو أصيل، للأسف كان بودي المشاركة لكن الغالب الله، ننتظر البادرة من إخواننا و أخواتنا، شكرا لك أخي على الفكرة. أم آلآء 17-05-2010, 21:25 زين الرجال - زجل- محمد سيد الرجال ضَيْ عَمْري منْ شْحال سيرْتو عطْرات يامي سيرتو حَلات كلامي كمْرة ضوات ومازال نورها يغطي كل مكان سعدي بزين لْخلق يٍجْهر ويكول لْحق بيه عرفنا الصواب بيه تحلات لينا لبواب ***** في ذاك لمقام لعظيم ناس تيعط وتنادي : أراسي.. أراسي وسيد النبي يدعي ويكول: أمتي.. أمتي مايرتاح ولا يهْنَى واحد من أمْتو في محنة قلبو كبير أُو عامر بحبك وانْت غافل عن سيرتو ما تْسَال وعْلَ حديثو مانْتَ عوال **** بغيتي تكون منْ امتو وْغَدا تْفُوز بشفاعتو وتكحل لْعَين بشوفتو رْجع لصوابك أسيدي ودافع على سنتو وعمر لقلب بمحبتو ***** نَسمْ صباحك بالصلاة عليهْ وعطر مساءك بالسلام وثَنٍيهْ لملايكة تبلغ رسالتك ليه ومولانا ينزل لعفو ويخليه عبد اللطيف بوكرن 18-05-2010, 12:01 حمان نظم: محمد العيساوي الفلُّوس سمعوا قصة حمان يوم جا يتزوج يا من تسال وخدا عصرية وندم عن شاين دار يوم روَّحْ صابغ لنجال ***************** الجهلية سمعوا قصة حمان كان حايل هو و بَّاه في زمان وتربَّى فالگرنة بالحفا ومحزم بطوال وخدم حتى جمع الفلوس واشرى حنديرة كيف رادها حمدوشية دار فرجله بلغة مْطَلّْعة وقميص وسروال بالصنعة ودار ليها طاقية واعمل رزة متبرجة لوَّاها ثم ربى اللحية بشي عزافر واعمل لعگال فهيم للحجام اللي يوالمه فالجوطية غوفل وجه ومشى يا حجام رفيع الاسم بن فريحة فايق الامثال ومشى للدار قال لأمه زوجني من بنات لحضر عصرية حسَّنْ انتِ شوفي ليَ الزين وأنا نسخى بالمال ************ قامت يمّاه وطلبت الحوايج للتحليقة وثم جابت سبنية وكذاك الجلابة لونها خابوري مذبال خرجت ومشات تدور عل الخطبة دارت البلاد كلها في صبيحة قصدات لدار لسانها رطب مأدب عمال صابت فالدار مرا بحالها بهلة وقديمة ولا بسة منصورية والرجل فالركنة نفايحي بالرزة والشال قالت مولاة الدار : ما بغيتي ؟ قالت ليها : سمعت عندك صبية وأنا عندي ولدي ظريف وبغى زوجة الحلال قالت يَمَّانْ البنت : خبريني بقبيلتكم والسمية وكنية والحومة فاش انتم باش نعرف ناسي فالحال ؟ قالت يمان الولد : ما عرفتني شي من غير شك أنا عربية درب واندو واسمي ما يجهال سقسي عني في أنا طامو المقدمة فسيدي ميمون قبيلتي وضيحة شجعية شوافة وقابلة عند صحاب الحال طبيبة ولدي هو حمان سوَّل عليه الجزارة جميع من غير خفية والگوادة بجميعهم واهل الكرنة الفضال سول ناس الحومة كلهم يشهدوا فخريشفة شهادة جهرية حمان الخربيطي كتعرفه نسا ورجال ************ قالت يمان البنت : لو عرفتِ حتى بنتي من بنات الوقتية ظريفة ورجيحة وناسبة حازت كل الجمال خبريني بعدا عل العريس آشن هي حرفته بلا شكية قالت يمان الولد : في الجواب صغى لا تمهال ولدي معروف في ذا البلاد مْعَلَّمْ جزار ليس يرضى قبحية اسمه ظاهر حمان ما خفى ولد بَّا علال زادت يمان الولد قالت لها : حتى أنتما منين ؟ بألفاظ قوية منين هي فأول المقال ؟ والعروسة بعدا قالت يمان البنت : ما عرفتي أنا خيتي طهور بنت الشاوية وأبا هو رزّوق راه فالجوطية دلاّل وبَّانْ البنت شهير كان منسوب لدرقاوة وكان داير شاشية تسبيحو باكوري ويتكنى عمي غوفال واليوم كبر وعيى وشاب وبقى فالركنة كيزيم صبحا وعشية وولدنا هاذ البنت كيف قدر نعم المتعال كانت اسمها “كتو” منين زادت كبرت سميتها الهيفا ثورية وقرات النحو عل الكمال بالاداب وتفصال ************ قالت يمان الولد بعد هذا قالت فالحين : ياطهور الشاوية فصداقها نأديه بلا تعطال آش طلبتِ قالت سيروا بعدا لعمها هو يعرف ما يدير في ذا القضية قالت ماما طامو: فاين يكون بلا تمهال قالت في باب فتوح راه كانت عنده حانوت صايلة تبانية واليوم فگرواوة شهير بن عاشور الغسال بالمشيخة ونعم ليهم عاد كملت العطية ساروا عنده الليل وشْرَطْ قفطان خضر فالصبوحي ومائة ريال ودفع حمان صداقهم وشرط عنهم العرس فزمان الصيفية قبلوا ومشاوا بزوج كل واحد شمَّر واحتال وجَّدْ حمان جميع ما يخصه وشرى بقرة من الزريبة نوحية واعرض فالحين عل حمادشة جاوه على الكمال أمه كانت هي المقدمة منسوبة من حالة الشباب دغوغية ومشى وضرب سكرة وجا معربط خارج الاحوال شاف بعينه يماه كتحضر مع الفقرا محزمة بالكرزية تمَّ هزو حاله وزاد للصف وصال وجال ************ وجبد شاقوره بالرشوق وبدا يضرب راسه وظن فاز بالمزية وبقى حتى ندمى وطاح وفنى قلبه ونحال وهزو المقدم وشم فيه السكرة ودوى وقال ليلة زغبية ما ظنينا هذي وليس خطرت لينا فالبال وبقىحمان فدارهم معربط سكران بين العباد شفية طايح مشبوح صريع فوق من صدره دمه سال ومشات أمه والناس للعروسة جابوها من دارهم كَنّْ ثرية وبنات المدرسة عل العروسة ينشدوا بسجال مهما دخلت للدار والبنات معها خطبوا جميع بلفاظ ذكية و لبس حمان حوايجه معربط باقي غلغال ودخل عل العروسه لبيتها كيف قضى رب الشيات عالم الخفية باللحية والرزة مخبلة وجه زاد كحال زاد للفراش وطاح كجمل وتمغط قدمها فحالة سوية بايت يشخر ويزيم كنّْ لوحش الليل وما طال ومناين فاقت فالصباح لقاته بايل فالفراش وبقات دهية وبدات تعيَّط بالشرع غيثونا يارجال ************ ثم اجتمعوا جيرانهم ومشى لخبار لدراهم جاوا بالحمية شدوا عن حماني البيت سكران في غير احوال خرجت بوحدها للحكام دارت عنه دعوة منظمة جنائية وحضر حمان وگر بين سكران راشق مازال وحكم عن نفسه بالطلاق قام وطلَّق طلقة مبينة فالشرعية وعل السكرة سجنوه تم شهرين عل الكمال وبقى حمان كظيم في السجن متفرد وجميع ما خسر صار خطية وخسر فالدعوة والزواج والعرس وضاع المال هذي سيرة الخمر كيخلي مولاه عل الدوام ضحكة وشفية لاين من هو سكران ما يفرق حرام من حلال تم العروسة يا فهيم تزوجت بعد العدة الواضحة فالشرعية وخدات أستاذ بحالها بقدرة نعم الفعال ما كنعرف حمان في زماني ولا يماه لا عروسة عصرية هذي إلا فرجة عملتها تعجب العُقَّال واسمي محمد فالنظام العيساوي الفلوس في اللغا غير كنية طالب ربي فالسر والستر العفو والبركة فالمال أم آلآء 19-05-2010, 16:59 نظم الشاعر عبد المجيد وهبي. سبحان من اقضى و احكم و علم الإنسان مالم يعلم . الازمة : آيـــة فالقـــرآن كــاينـة فكتـــاب الــرحمـــان بالـوالدين احســــان فيهــــا كمـــن معــانــي فيهــا هذي الله دير بها وطريقــو باينــا المقطع الأول : يا أمـــي يــا روح راحتـي ونتييــا لحجـــاب انت زينــت لحبـــاب بيك السلوان ند صابـي انت لميمة بيك روحي وحيــاتي طاربـــا تسع اشهور ونت امسليا وتقاصي لعــــذاب ياريت أو يا مصـاب نقدر نوفي مرغــوبــي ونكافي لحسان ياك طاعة لميمة واجبـا حين الله ابغى ايزيل حملك شوف المكتـــاب حاطوا بينا لحبــاب خوف عليك وفرحة بي وانفستي ونا حداك نلتي ما كنت راغبا عمـــاين ونت اترضعينـــي لحليب نســــاب من ثديك راق أوطاب هوى أكلي وشــــرابــي هوى أوال قوت به ذاتي نالت ما طالبـا ما يعصـــاش أمــو ايهينهـــا أبدا إنســــان مومن طاع الرحمـان وحــدو ما ليلـــو ثانــي وامصدق برسول ربنا ومأمن ابديننـــا الازمة : آيـــة فالقـــرآن كــاينـة فكتـــاب الــرحمـــان بالـوالدين احســــان فيهــــا كمـــن معــانــي فيهــا هذي الله دير بها وطريقــو باينــا المقطع الثاني : بيديدات احنان كــــــاتلفي داتـــي فثيـــــــاب وتخـافي لا ننصــاب و البرد ايلف اجنــابــي وتفزعي من عين شيبنادم وتباتي راهبا غير أنا نبكي انت قليبــك يخفــــق مرتــــاب باغي يعرف لسبـاب وعلاش ابكات اهذابـي وتراري بيا افحين تغفى لعيون الساكبــا ويــــلا نمرض ليك حايزاني لونك يشحـــاب وتبـــاتي فالتشغــاب حتى ينشال امصــابــي وتسعد بيا انهـار ربي يصرف المكتــاب كنت اضعيف وكان عود ذاتي لين مرطـــاب وشبـابك فييا شـــاب ونا كملت اشبـــــابـــي كيف ندير انرد ما فنيتي لعضاك الشايبا يــا عـــــاصي يماه كون كنت فيك الإمــــان تدمــع عينك بثنـــان لقـــوال الله الغـــانــــي كيف تقول نهار يا الغالط تسآل ابحالنـا الازمة : آيـــة فالقـــرآن كــاينـة فكتـــاب الــرحمـــان بالـوالدين احســــان فيهــــا كمـــن معــانــي فيهــا هذي الله دير بها وطريقــو باينــا المقطع الثالث : كما رسـول الله ليك حدث وعطـــاك الشـــان تحت اقدامك لجنــان حبك ما ليلــو ثــــانـــي بعد احيبيب الله طــاعتو ونتيـا فقلوبنـــا يــا قلب القلــــوب ساكنــــا يا قرت لعيــــان يا ينبــوع الحنــــان وصفك فوق المعــانــي ونحاول ونقول قول عسا يفصح بحوالنا يـــا أمـــي لعبــــاد نايمــــا ونت فالدجــــان نشوانا بالسهـــــران هــذا هو التفــــانــــــي هذا هوالحب حين تخفق لقلوب الساخنـا ياأمي وانت اعنــايتي يــــا حضن الأمـــان زاهر بيك أو نشــوان يا من تطفي نيـــرانــي يا برد المهجة الهايجة يا راحة لخيالنــا حبك حب احنين هزنـــي هيجلـــي لكنـــان وصبح قلبي رويــــان نظرت عينك فعيــانــي فيها نور الله شاع شعشع والحب أالافنـا الازمة : آيـــة فالقـــرآن كــاينـة فكتـــاب الــرحمـــان بالـوالدين احســــان فيهــــا كمـــن معــانــي فيهــا هذي الله دير بها وطريقــو باينــا المقطع الرابع: يا رابيـــــع القلب يازهارو روضك مــــزدان امخضر فيـه افنـــان يلمـع لنـــو عقيـــانـــي وانت يا سويداء اقلبنا ونشوى لفكارنــا يا حسنا لحسـان حاسنا يـــا روح الريحـــان فقتي عن كل احسان لايــن قلبك ربــــانــــي وحسان حسانك هزما وشمل كل اذخالنـا يـــاوردة بالطيب شـــادية يسقيــك الهتـــان وتعيشـــي فالأمـــان حــامل ليك التهــانــــي وانتيا شمعة امنورة منك ســر انوارنـــا يــانغمـــة بالحان صادحة يا لحن الأحــــان لحنك لحن الحنـــان ليلك نهـذي ألحــــانــي والعازف قلبي وبيك قلبي لولاكي ما هنا يا طايع ترعى الميمتك برضاهـــا سعـــدان تسعد بيهـا فرحـــان فرحاتك بيها هـــانـــي هاني بين افراد لمتك يازتي حتى احنـــــا الازمة : آيـــة فالقـــرآن كــاينـة فكتـــاب الــرحمـــان بالـوالدين احســــان فيهــــا كمـــن معــانــي فيهــا هذي الله دير بها وطريقــو باينــا المقطع الخامس : مرت بي لعوام ســارعة وطـــويت الزمـــان مريت ابكـل امحـــان فالعشق ارميت احناني والقيتك حبي اوكل داتي بكيانك كاينـــــا كي وردة بالطيب واهبــــة ما تطلب ثمــــان وردة من دون الوان وردة نبتت فكنــــانــي ماتطلب تعويض غيرتوهب فلحب بلاونـا بين ايديـــك انصيب راحي ونحس ابحنـــان ننسى ظرف المكــان ننسى ظرف الزمانــي وانغيب وانغيب لا معاني لشيات الكاسنـا يا صاغي للغاي ليك نهذي رايـــق لـــوزان ملحـونــي بالميـــزان سير واغرد بالحـانـي واهذيها ليها ياك تفرح بها و انت اهنـــا ويلا بلحيــاة بـــــــــاقية آمرك الديـــــــــان بالذل اخفظ جنحـــان رحمة بيها تفـــانـــي واتهلا فيها وبر بيها نورك بيها اسنـــــا ويلا دار الخلد ساكنة يرحمهـــا الرحمـــان ويسـكنهــــا لجنـــان ورفع كفك للغــانـــي يرحمها و الأب كيف حتى هما رباونــــا واسمي عاد اسما انبينو لصحاب الميـزان وهبي نـاظم لـــوزان عبد لمجيد السلواني معطيت ربي الله عاطي طلبوه ابحالنــــا أنا وشـــــادي وجميــــــــع الأخـــــــــوان حتى منهـــو خــــزان والفاهم ليه ابيـانــي والهاوي لشار لاين الشعررسول ادخالنا الازمة : آيـــة فالقـــرآن كــاينـة فكتـــاب الــرحمـــان بالـوالدين احســــان فيهــــا كمـــن معــانــي فيهــا هذي الله دير بها وطريقــو باينــا عبد اللطيف بوكرن 19-05-2010, 21:13 الله الله الله على كلام و كاين مزيد أشرف 19-05-2010, 21:16 السلام عليكم ورحمة الله وبركاته بارك الله فيكم على المشاركات الرائعة اتبارك الله عليكم عبد اللطيف بوكرن 19-05-2010, 21:51 و هذه أروع قصيدة في الفكاهة قصيدة الزردة نظم الحاج محمد بن علي المسفيوي الحربة ضيفك أجاري شبعني وليس تعمل بشوار زيد بي للدار بلحسان كرمني ولا تكثر هدرة القسم الأول ضيف ربي جيتك للدار زيد بي من غير شوار كان كنت جيد وكريم لا دير معايا صرف لبخال ارفع بيَ يجزيك خير ربي لايني سامع لخبار عليك ألوليف ودير ما قال الله وصاك على الضيف تكرمو والجار بَرّْ به قبالة واللي بخيل ربي ذمو عايش فالمكر وجهالة لا بوه يكرم لا عمو البخل فيه حق سلالة واللي كريم ربي كرمو كتبو فلامة الفضالة ناس لحسان تعرف وصفي مولوع بالزرادي دايم فكل يوم نحب الزردة لو تكون فبغداد قريبة نقول وكثير إلى كانت عند واحد مثلك وافي كريم جيد صبار بَرّْ يرفد بالعار في متاعو يصبر ولا رضى بالقهرة زيد بي للدار سريع كون تايك بطار يجزيك القهار لا تخاف ولا تدهش ما تقيسك عثرة والذي ليك نقول تحضرو بغير افتخار من نعايم تذكار باش نفخر ونصول بجودك على الحضرة القسم الثاني هات لي فالأول سكسو ولا تخلي حد يمسو يكون في شي طبسيل كبير بالزبادي راوي واعمل عليه غنمي وخضاري رايقة نفيسة دير تفاية مع الزبيب ولوز وبصلة كذاك سفة بفراخ من الحمام مردومة وسخونة مع الشعرية للغاها عشيق والروز يطيب مليح بالحليب الصافي أرى من الفداوش شربة وتكون راوية وسخونة إلى دخلْتْ وسط القبة أرى طواجنك وصحونة ليَ تكون تقول مرحبا هاك لبساط للمحسونة واللوز في وسطها ينبا وكذاك بالسمن مدهونة ومحنشة نحب فرغبة وتكون رايقة وسخونة طبسيل جيب لي من بغرير وكذاك سير للسفاج الوافي تجيب عشرة كيلو وتكون بالسمن والعسل ومخرقة وشباكية وحدة نديرها متنية في كل جيه المقروط الباهي ورزة القاضي كعب غزال ولكعاك مية من لغريّْبة تقد للفطار والمرق باليَبْزار جيب خبز السميد الصافي عجب للنظرة هات لي كباب المغدور ضد فاللي غدار فيه بيض بتعفار وكذاك جيب المشوي يْقامتو معتبرة ومن الكفتة وجَّدْ لي ميات قطيب عل النار كذاك تدير كوار بالفلافل ويكونوا في طواجن كثرة هات القلية فصحونة مزوقة من بلار كتلذ لّفكار والخليع المقيوم تريع به الفكرة القسم الثالث هات الطواجن عل الأشكال من لحم الغنمي يقبل دير طاجين مخضر يا لبيب بالزيتون وليمون دير واحد لمروزية مع البطاطا واللفت ولوبيا والملوخية ذاك الشوا يعجبني منو خروف جيب معمر وآخُر بعد منو يعني فالفرن طايب ومتحمر خمسين راس بها نثني والهركمة عليها نفطر وكذاك جيب لي المعسل نبغي تكون عايق فايق وسط النهار نعطيك خبار جيب قصعات كبار بشي تشيشة كرداس يكون الطواجن كثرة باداز سخون نحبو في يمين أو يسار كان هطلت لمطار عل البيصار موجد ما نصيب عنها صبرة هات لي فول مدمس من هواه هيج لفكار من الحمص قنطار والباقي تقليه دون الشهرة جيب لي بركوكش بالحليب طايب عل المقدار فيه نفديوا الثار من الصغر يعجبني ما صبت عنو صبرا القسم الرابع هات لي خمسين دجاجة ردت بها نقضي حاجة بالنوى عمر لي عشرة وبالسمن عشرة حمرهم زيد عشرة بالمعدنوس والفلافل طيب عشرة مزعفرين ومرق لخرين هات لي بيبي والوز جيب لي خمسين دجاجة على التمام طاجين من الزرزور كنحب يوجد لفطور لا تكون مغشم وغزال طايبة مقيومة وإلى تجيبها توقف تم نوصيك لا تكثر لومة ومية من القنية تقدم وتكون بالشحم منعومة ومية من القنافد سلم فيها جوارحي مغرومة وكذاك لحجل به انتم الارنب صورتو منعومة ثم تجيب عشرين من الشابل طايبة وذكية وخرين كيفها مقلية فيها نضرب غلقة تشكار لا تحضر لي جار تركني وحدي وصغى للاقوال بجهرة هات شرغو والبوري جيب فرخ من سبع شبار والمرينة تذكار ساركنة مقيومة جيب منها عشرة والقرب والنون فأكلو لذيذ يصلح لصيار ليس تنسى البحرار كان بي برد بطعمو ضراري تبرى جيب لي سردين يتقلى ويتجمر فصهد النار ليس تعمل توخار كن محزم ومني ليك حق السخرة القسم الخامس هات الشلايظ مولاتي على الأشكال تلذ لذاتي والتراقد فخلول محمضة ولطيفة حضّر سكرة من العنب وحمل دلاح هات بطيخ كبير**وما يماثلو من فكوس ولينكاص مشماش مع التفاح من العرصة شامي والليم كان يحضر فالحين مية نحبها قدامي كرموس النصارى والتين رمان به لذ طعامي برقوق ما يلي عنه لين فيكل يوم قنطار يجيمعلوم والتمر قنطارين على الدوام وكركاع مع اللوز والزبيب الابيض مع الموز جيب لي كوز من بلاد الهنود وبلوط وقسطال والشراب الطيب لحلال جيب لقوالب من سكر دير شاي دير الزردة الخاتمة استغفر الله من عثرة لسان نطلب رب الورىيبسط عنا على الدوام نعمتو ونهاية اللغا يا حفاظ خذها خريدة برزت فحلول رايقة ونفيسة صعبة على الجحيد الدامر وعلى كل داعي ما يقوى للحراب ساعة الابحار بالحسام البتار كان طاح فيدي ويحو نقطعو بالشفرة كان يجحدني يعرفني فقلب عينو زنجار ليه نسقي لمرار لو تكلم باسل وثقيل عند الشعرا لويصرصر بازي تخمد موكة فلقفار والسلام للحبار لشياخ وطلبة وعلى اولاد الزهرة من ابن علي مسفيوي في تراجم الفن عبار زار نعم المختار سيدنا محمد لحبيب تاج العشرة الصلاة والسلام عليه دايمة كل نهار من الحي القهار قد ما خلق الله ميات آلف مرة و معنا المزيد أم آلآء 09-06-2010, 16:20 الواصي حيوط لمحبة رابو ساس لمتين لقيتو راشي لخوت كلها ساد بابو ماهمني حالهم نسال ونقول علاشي ضوء ليل طافي وشموعنا ذابو راحة مالقيتها حتى ف فراشي الخيط والمخيط زايد ف ثقابو تهدينا من ترقاع لخناشي الواصي علينا جامع صاحبو هذا ليه وهذا ليك وباقي ماشي خيرات لبلاد كلها ف حسابو خويا وختي وداخل راشي لله يا ريح قوية هـبي ف صيف خودي لقبيح وخلي لمليح شبابنا فطريق على جنب رصيف لا شغل لا مشغالة لا اجر صحيح خوف والقهرة رقابنا ممدودة لسيف لسان الحق مطوي ما قدر يصيح القلب عامر موسخ ماهو نظيف علامنا ما وقف وقفة ساير يطيح ساكتين طايعين فين صحاب نيف ؟ يزانا من كلام الخارف وتصنطيح سوق خاوي وداخل ليه يطلب لطيف لا صلاة لا عبادة ماشادين تسبيح محبة الجماعة 09-06-2010, 17:29 السلام عليكم ورحمة الله وبركاته بارك الله فيكم عبد اللطيف بوكرن 14-06-2010, 16:24 أم الآء أختي الكريمة حبذا لو تضعي كل ما لذيك هادشي للي عندك واش من إبداعك الخاص الله يجازيك خيرا و شكرا abdou 05 14-06-2010, 16:44 بارك الله فيك أخي الكريم michorad 16-03-2011, 12:34 السلام عليكم بارك الله في جهدكم وتقبله أمييين انا أب% |