حلوة الدولار

250غ زبدة-2 خميرة-2 بيضات-1 ك زيت-2 ك سنيدة
الدقيق حسب الخليط
للتزييين: شكلاط مدوب وكوك
الطريقة
كنخلط الزبدة والسنيدة و نضيف باق المقادير و الدقيق بشوية بشوية كنقسم العجينة كويرات نطلقوه بالمدلك و نقطعوه بالغلاقة ديال بيدو نطيبوه بلا منحمروه بزاف
نلصق جوج بالشكلاط و نغطس غير الجناب بالشكلاط و الكوك

عصير بالكرعة خضراء كورجيت

4كرعات- 1 خميرة بيضاء- 1 دانون- نصف لتر حليب-ك سنيدة
نصلق الكرعة و نحتفض بالماء دياله جانبا الى جانا العصير خاتر بزاف نضيف شوية
نطحن الكرعة والمكونات و هالعصير واجد

كيكة بالكركاع و التفاح
المقادير

4 بيضات
1/2 كاس عنبة سكر
1/2 كاس عنبة زيت
1/2 كاس عنبة حليب بودر
2 فاني
كاس عنبة تفاح مقشر ومحكوك ف الحكاكة الغليظة
2 كيسان عنبة دقيق ماعامرينش
2 خمارات

50غ كركاع مهرمش رقيق
1/2 م ص قرفة
تفاحة كبيرة مبشورة و محكوكة ف الحكاكة الغليظة
للتزيين
ناباج او عسل دافىء

الخليط 1

بالضرابالكهربائي نضربو البيض مع السكر و الفاني لمدة 10 دقائق من بعد نزيدو الزيت ونضربو ونزيدو الحليب ونضربو وناخدو دابا غير الضراب اليدوي ونزيدو التفاح و الدقيق و الخميرة ونخلطو حتى يتجانس الخليط ندهنو مول بالزبدو ونرشوها بالطحين ونصبو الخليط

الخليط 2

نخلطو الكركاع و التفاح والقرفة مزيان ونفرتتوه على الوجه ديال الخليط الاول و ندخلوها لفران ملي طيب ندهنوها بناباج ولا العسل

بسطيلة بالكفتة والمخ

مخ بقري كبير-نصف كيلو كفتة بقري- ضرس ثومة محكوك- 3 م ك معدنوس وقزبرمسحوقين-كاس صغير مخلط زيت رومية وبلدية
ملح- ابزار- سكينجبير-زعفران عادي-زعفران شعرة-شوية بسيبيسة-شوية كوزة- تحميرة-هريسة
نصف كيلو ورقة ناخد 2 ورقات و ندهنوهم بالزبدة و ندخلوهم الفران يتحمر-3 بيضات مسلوقين-زلافة زبدة مدوبة للتوريق-الفرماج احمر محكوك للتزيين
الطريقة
1-ناخد كسرونة ندير فيها الماء الملح والابزار و زعفران مل تغلى نضيف المخ اللي غنكون حيدنا له القشرة مل يطيب نحطوه يتسقطر
2-ناخد مقلة نضيف لها الزيت و الكفتة و التوابل فاش تقرب تطيب نضيف 2 م معدنوس وقزبرمسحوقين
3-ناخد مقلة اللي طيبنا فيها الكفتة ندير فيها شوية الزيت المائدة و الزبدة و نضيف البصلة مشلدة+التوابل
4-نرجع المخ نقطعوه قطع صغيرة نزيد عليه معدنوس وقزبرمسحوقين + توابل
5-البصلة نخلطوه مع الكفتة
نحك البيض
ناخد ورقة البسطيلة و نحطوه في الصينية المدهونة بالزبدة
نحط خليط البصلة و الكفتة نزيد و رقة البسطيلة المحمرة+طبقة المخ+ ورقة المحمرة+طبقة البيض محكوك + الملح
السيدة قالت نسدوه باصفر البيض احسن و نطيبوه فوق البوطة مل تطيب نقلبوها في ش صينية اخرى مدهونة بالزبدة مل تطيب نزوقوه بالفرماج محكوك يمكن ندخلوه للفران باش تحمر

فلفلة معمرة بكفتة الحوت

نصف كيلو كفتة من اي نوع سردين او ميرلا او الفرخ ـ 4 حبات الفلفلة ـ بصلةـ مطيشة محكوكة ـ 2 فصوص الثوم ـ قزبر ومعدنوس ـ تحميرة ـ ابزار ـ كمون ـ ملح ـ خبز محمص مطحون ـ بيضة ـ الدقيق ـ شوية زعيترة ـ 2 حبات الجزر.ناخدو الفلفلة ونشويوها ونخليوفيها العود ديالها ونحلوها على زوج ونخليوها جانبا ناخد مقلاة ونشحرو فيهاالبصلة مشلظة والجزرمحكوك تم الكفتة ديال الحوت تم التوابل والربيع في الاخير تم نعمرو بها الفلفلة ونغطسوها من الجهة المعمرة في الدقيق والبيض والخبز المحمص ونعملوها في طاوة مدهونة وندخلها الفرن تطيب.ناخد مطيشة المحكوكة ونشحروهافوق النار مع شوية الزيت والملح وزعيترة نخليوها حتى تعقاد ونعملوها في طبسيل ونزينو بالفلفلة المعمرة.

كراتان بالخضر

المقادير

1/2 كيلو جزر
1/2 كيلو جدر كرافس او(البسباس ان لم يتوفر الكرفس)
1/2 كيلو شوفلور اخضر او( شفلور ابيض نزيدو ليه معدنوس)
150 غ جبن بلدي د الريجيم
3 بيضات
ملح
ابزار
قبصة كامون
الطريقة
الجبن نقسموه على 3 ونفرقوه على الخضر
نسلقو خيزو ونطحنوها مع 50 غ من الجبن +بيضة +ملح +ابزار +كامون
نسلقو الكرافس ونطحنوه فالطكحانة مع 50 غ من الجبن +بيضة+ملح +ابزار +كامون
نسلقو الشوفلور ونطحنوه مع 50 غ الجبن +بيضة +ملح + ابزار +كامون الى درنا الشوفلور ابيض نزيدو ليه معدنوس ونطحنو الكل باش يولي اخضر
نشدو مول ندهنوه بالزبدة ونديرو طبقة اولى من معجون خيزو ثم طبقة من معجون الكرافس ثم طبقة اخيرة من معجون الشوفلور وندخلوه لفران يطيب وبالصحة والراحة

طبق بالبطاطا مع القوق

المقادير

كيلو قوق منقي
1/2 كيلو بطاطا من الاحسن ديك الصغيرة
ملح
ابزار
عصير حامضة كبيرة
ضامة البنة او مرق الدجاج او لحم
1/2 كاس زيت
الطريقة
في طنجرة نديرو جميع الخضر مع باقي العناصر ونزيدو شوي د الماء ماعدا عصير الحامض حتى الاخير ونخليو الكل يطيب حتى تعقاد المرقة نطفيو عليها ونزيدو عليها عصير حامضة

طورطة بالحامض

المقادير

6 البيضات
2 حامضات محكوكين فى الحكاكة الرقيقة
3 م ك عصير الحامض
2 خمارات
200 السنيدة
200 الطحين
1/2 كاس الزيت العنبة
قبصة الملح

للتزيين

دوائر الحامض معسل او قشور البرتقال معسل
شوية العسل

نطربو البيض والملح وسنيدة وعصير الحامض بالخلاط الكهربائى تم نضيفو الزيت وقشرة الحامض والطحين مع الخميرة فى الاخير
ونصبوه فى المول مدهون ويكون كيتحل
من الجوانب وتدخل للفرن تندهنوها بالعسل وهى سخونة او الى كانت باردة يكون
العسل سخون تزين بالقشرة البرتقال او الحامض او ترش باللوز....
تقدم باردة

غريبة بزبيب

المقادير

كاس صغير سنيدة
200 غ زبدة
250 غ زبيب (مرقد ليلة في الماء الزهر )
4 اصفر بيضات
قشرة حامض محكوكة
1خميرة
1 لباني
دقيق حسب الخليط
(لوز ايفيلي + مربى البرتقال) للتزيين

الطريقة

في اناء نصب كاس سنيدة +اصفر البيض و الزبيب(كنقنقطعوه حتى يولي بحال لعجين)
و الزبدة و نخلطو ونزيدو قشور الحامض و الخميرة و الدقيق شوي شوي ملي
تجانس العناصر نديرو كويرات ونغطسوهم في المربى ونزينو باللوز ايفيلي
ونستفوها ف طاوة مغلفة بورق الطبخ لمدة 25 دقيقة حرارة الفرن 150°

غريبة معلكة بكاوكاو

المقادير

5 بيضات
زلافة سنيدة
2 معالق كبار مربى
نصف كاس عنبة زبدة مدوبة
نصف كيلو كاوكاو محمر و مقشر و مطحون
2 خمارات
2 زلايف كوك (نعبرو بنفس الزلافة ديال سنيدة)
سكر كلاصي للتزيين
الطريقة
نخلطو جميع المقادير (ماعدا السكر كلاصي) و نديرو كويرات حسب الحجم اللي بغينا و نكوروهم مزيان وسط السكر كلاصي ثم نهزوهم بالاصابع و نحطوهم فاللاطة بلا مانكرصوهم و من الاحسن الطاوة تكون مدهونة بالزبدة ومرشوشة بالدقيق باش ماتلصقش فيها الحلوى او نفرشو ليها الورق ثم ندخلوها لفرن ساخن و تكون النار مهيلة تطيب فالاول على وجهها حتى تتشقق و الى احتاجت تطيب من التحت نطيبوها حيت كتكون خفيفة دغيا كتطيب ثم نخليوها تبرد و نجمعوها
حسب صاحبة الوصفة كتجي معلكة و زوينة و قد ما طالت كتبقى مزيانة

بريوش منسم بالحامض

المقادير

(العبار بالكاس الصغير ديال اتاي)
2 بيضات
نصف لتر حليب
كاس مازهر
كاس زبدة مدوبة
كاس زيت
كاس و نصف سنيدة
2 خمارات
2 معالق كبار خميرة الخبز
قشرة 2 حامضات محكوكة
دقيق حسب الخليط
الطريقة
نخلطو جميع العناصر مزيان و نبداو نزيدو الدقيق شوية بشوية مع التخلاط خاص العجينة تكون بين و بين ما مرخوفة بزاف ما قاصحة ثم نغطيوها و نخليوها تخمر نصف ساعة ثم نديروها كريصات و نحطوهم في لاطة مدهونة و نخليوهم يخمرو مرة اخرى مدة نصف ساعة و ندهنوهم بالبيض و نرشوهم بسنيدة ثم ندخلوهم للفران يطيبو كيجيو ممتازين و كيجيو محمرين و مفلحين بفعل سنيدة.

عصير الفريز

كيلو فريز
ربع كيلو سنيدة
1لتر ماء
4قطع فرماج مربع
يطحن الفريز مع السكر ثم نضيف الماء والفرماج ويصفى وبالصحة والراحة

كيكة بالشكلاط

كاس سنيدة ـ كاس زيت ـ 4 بيضات ـ نصف كاس شوكلاط غبرة ـ 3 كيسان دقيق ـ 2 خمارات.
السيرو؛صاشي قهوة سريعة الذوبان ـ 3 معالق سنيدة ـ كاس ماء كبير سخون.
الكريما ؛ ياغورت فاني ـ معلقة صغيرة زبدة ـ 5 دراهم شوكلاط اسود
نخلطو البيض مع سنيدة مزيان تم نزيدو كل المقادير ونخلطو مزيان ونفرغ الخليط في المول مدهون وندخله الفرن تطيب مدة 45 د .كنذوبو الزبدة والشوكلاط في حمام مريم تم نزيله من على النار ونزيدو الياغورت ونخلطو كل شيء مزيان وعند خروج الحلوى من الفرن نسقيوها بالسيرو تم نعملو ليها الكريما ونزوقوها بالشوكلاط ابيض محكوك.

السمن البلدي



كاس كبير ماء +2 معالق كبار ملح + 2 معالق كبار زعتر يغلى ربع ساعة ويبقى يبرد

في قصرية تعمل نصف كيلو زبدة العبار ونضيف لها الخليط الاول ونعجنها مزيان بحال الخبز ثم نخليها تشرب الملح مدة ساعتين
ونملع في قرعة نسدها مزيان وبعد 2 الاسابيع يكون السمن موجود

فلان بعصير البرتقال و الفريز

المقادير

نصف لتر عصير البرتقال
1 فاني
1 فلان عادي
سكر حسب الذوق
نصف كيلو فريز مغسول و مقطع مربعات او دوائر

الطريقة

نديرو الفريز مقطع فالزليفات ديال التقديم كل زلافة نديرو فيها شوية
نديرو عصير البرتقال و الفاني و الفلان و السكر في كسرونة فوق النار حتى يغلي الخليط مزيان ثم نكبوه فوق الفريز و نديروه في الثلاجة يبرد ثم يقدم

كيك بكفتة الديك الرومي

المقادير

كيلو كفتة الديك الرومي
5 م ك الزيت
2 فصوص الثوم مهروسين
1 م ك القسبور مقطع رقيق
2 م ك المعدنوس " "
2 م ك الزيتون أخضر مقطع صغير
زلافة اللبابة مفزكة بالماء
2 بيضات
فلفلة خضرا + حمرا + صفرا
م ص الملح
م ص الكامون

الطريقة

في اناء نضع الكفتة و كل المكونات نخلطها مزيان ثم نقسمها على 3
ناخد الجزء الأول نعملوه في مول مفرش بالورق أو الألمنيوم ثم نضغط عليه بالملعقة نفرش
الفلفلة الخضرا مقطعة على الطول ثم الجزء الثاني و الفلفلة حمرا و الجزء الثالث و الفلفلة
صفرا و ندخلها للفرن 200 درجة 30 دقيقة و بالصحة و الراحة.

كيكة بدقيق الذرة

المقادير

1دانون+كاس دانون زيت+كاس دانون سنيدة +3بيضات+2خمارات حمر+دقيق الدرة.

الطريقة

تخلط المقادير جيدا ويضاف لها دقيق الذرة حتى الحصول على العجينة الاعتيادية للكيكة ونضعها في مول وندخلها للفرن وبعد اخراجها تسقى بعصير الليمون وقليل من السكر

غريبة بكاكاو

زلافة سنيدة+رابعة زبدة+خمارة+زلافة زيت+ 100غ بودرة كاكاو+بيضة واحدة نخلطوا كلشي نخليو بودرة كاكاو هي الاخرة طحين حسب الخليط تكون العجين مرخوفة تقسم نصفين نصف يبقى عادى والاخر ندير معاه بودرة كاكاونكورها ناخذ شوية من الملونة شوية من العادية نشكل كويرة يكونوا فيها زوج لوان وتدخل الفرن

pate à choux معمرين بحشوة الدجاج

مقادير العجين

80غ زبدة+150غ طحين+3او4 بيضات+ شوية الملحة+2معالق صغار سكر.
نخلط الزبدة مع الماء فوق نار +ملح وسكر حتى يدوبوا نزولهم او نزيد طحين دقة وحدة نعود نرجعهم فوق عافية مهيلة حتى نجمع نطفي عليهم العافية نخليه يبرد نزيد البيض وحدة بوحدة حتى ترخاف لعجينة نهزها بالمعلقة في حجم الكركاع او نستف في طاوة ندخلها الفرن لانفتح عليها الفرن كنخليما 20د بنسبة لي عندها الفران مكيبينش من تبرد نعمرها بالحشوة.

الحشوة

صدر دجاج مقطع+بصلة مشلضة+نصف كاس زيت+ هعلقة صغيرة ابزار +سكنجبير+نصف رابعة لوز مصلوق مفسخ مقلي مطحون+ معلقة القرفة+شوية الزعفران+ملح+1 معلقة سكر
كنشحرو كلشي+كاس الماء +سكركنزول لحم لعضيمات لي فيه او كناخذ لوز مصلوق او نبدا نعمر pate à choux

فقاص مالح

250غ زبدة+نصف لتر حليب+كاس صغير زيت+4مربعات فرماج او مثلثات لي بغيتوا+خمارة+شوية ملح او ابزار 2معالقكبار موطارد+2 معالق تحميرة سودانية حسب الرغبة دقيق حسب خليط رابعة فرماج احمر محكوك هذه المقادير كثيرة لي بغات تنقص منها تنقص
نخلط جميع العناصر الا فرماج نطلقوا العجين بالدلاك او ندردروا لفرماج او نلويو كندخلوها المجمد من نخرجها نقطعوها كي بغينا وندخلوها الفرن حتى تحمر وتقدم

داناب

الطريقة

10ملاعق حليب نيدو
10ملاعق سنيدة
1فاني
1دانون بنان
2لتر ماء

الطريقة:

نأخد لتر من الماء نخلطوا معه جميع المقادير ونديروه في الكوكوط تكون دافئ ونصبوا فيها المقادير ولتر الاخر ديال الماء نغليه ونزيدو عليه المقادير الاخر ونحركوه ونسدوا الكوكوط وندخلها في ميكة ولوها في زيف يكون غليظ وتترك ليلة كاملة وفي الصباح يكون واجد

بسكوي مالح باللوز

100gالزبده+200gفرماج احمر محكوك+200gحتى ل 250gالدقيق+شوية التحميره+رابعه رقائق اللوز+بيضه+شوية الملح.
ناخد الزبدة ونزيد الملح والفرماج والتحميره ونخلط ونجمعها بالدقيق نسرحها بالمدلك نص سنتيم في السمك وندهن بلبيضه ثم نرش رقائق اللوز وندوز الدلاك فوقهم ونقطع بلمرشم الشكل لي حبينا.

حرشة البرتقال

المقادير

4 بيضات+1 لفاني +2 خمارات
100 جرام سميدة رقيقة +150 فورص +125 سنيدة او 80
كاس صغير البرتقال + كاس صغير زيت

الطريقة

البيض + سكر + زيت+عصير البرتقال+سميدة +فورص+خمارة+و تعمل في مقلة وجدة للفران بعد الخروج من الفران ناخد رابعة عصير البرتقال + م كبير سنيدة او كنفتير و تسقى الحلوى و هي سخونة و العصير بارد

فقاص بالحليب المركز.

المقادير
4 بيضات، 4 خميرة الحلوى- كاس صغير حليب مركز مسوس- كاس عنبة زنجلان محمر _ كاس لوز محمر ومهرمش- معلقة كبيرة النافع صحيح - كاس عنبة النشا - 4 كيسان الزيت - 4كيسان سنيدة- كاس ما الزهر- الطحين حسب الخليط

الطريقة

نخلط جميع العناصر وانضيف الطحين فالاخير ثم انبدا انعمل حرابل طويلة نثقبها شوية بعود الاسنان وندخلها لفران بارد عاد انشعلوه وانطيبوها نصف طايبة ومين نخرجوها انغطيوها بمنديل فازك شوية بالما ونخليها حتى الغد عاد انطيبوها بعد ماندهنوها بالبيض مخلط مع شوية اديال الشوكولا.

مقادير الحليب المركز المحلى:

المقادير

* كأس حليب غبرة
* كأس مثله ماء
*كأس مثله سنيدة

الطريقة

تنطربو الحليب غبرة مع الماء والسنيدة بالطراب اليدوي مزيان حتى يتحل الحليب ومايبقاش مكور ثم بعد ذلك نديروه فوق البوطة وتكون مهيلة وتبقاي تحركي حتى يختار بعاشق ديال العود ثم بعذ ذلك تخليه حتى يدفى وديريه في قرعة ديال الزجاج وتخليه حتى يبرد وتسديه والا بغيتي ترجعيه كراميل ديريه في طنجرة الضعط مع الماء يكون واصل حتى يفوت نصف القرعة شوية وتسدي عليه في الطنجرة مدة ساعة لاروب وتخلي حتى تبرد الطنجرة واستعمليه جربيه وأعطيني رأيك. الا بغيتيه غير محلى مديريش سنيدة.

سابلي بالكاراميل :

50 غرام سنيدة
250 غرام زبدة مدوبة
1 لفاني
2 بيضات
700 غرام دقيق
1/2 كيس خمارة الزا

تدلك العجينة ثم تقطع قلوب او دوائر ☺♥ ثم تطهي بشكل كلاسيكي ثم تدهن بقليل من الكاراميل * نسلي * و تزين باللوز المسلوق من الفوق

كيكة بالكوك :

85 غرام زبدة لينة
250 غرام سكر سنيدة
1 خنيشة لفاني
3 بيضات
100 غلاام كوك
كاس يوغورت حلو
40 غرام مايزينة
2 خنيشة خميرة كيماوية
185 غرام دقيق

تجمع المقادير كلها و تطهى كاي كيكة عادية تث تدهن بالمربى و ترش بالقليل من الكوك.

البيني :

500 غرام دقيق
ملعة كبيرة سكر سنيدة
رشة ملح
بيضة
1 كيش فاني
خميرة معجونة
كاس كبير ماء
زيت للقلي
مسحوق السكر او سكر سنيدة للتزيين

نحضر العجين و نبسطها الى سمك 4 مليمتر تقريبا و نقطعها دوائر ثم نجوفها من الوسط و تترك حتى تخمر ثم تقلى في الزيت و تزين بالسكر بودرة.

فقاص بالزعتر

500غ الطحين
200غ الزبدة
ملح
ضامة البنة
1 فرماج مربع
50غ الفرماج محكوك
2/1 كاس صغير الماء
الزعتر مدقوق ومغربل

نخلطو كل المقادير الا الزعتر نديروها في بلاستيك وتدخل للتلاجة 30د من بعد تورق بالمدلك وترش بالزعتر وتلوى على 3 او 4 وتدخل للمجمد مدة ساعة بعدما نديروها فى بلاستيك تقطع وتدخل للفرن 15د

[line]

كسكسو ديال الروز بالحوت

المقادير
كيلو او كيلو و نصف سمك الفرخ من الاحسن جهة الراس يكون منقي و مقطع بالجلدة ديالو
كيلو كسكسو ديال الروز (يباع في المحلات الكبرى)
(يمكن نعوضوه بالروز صحيح او نطحنو الروز غليض و نغربلوه)
بصلة محكوكة
2 مطيشات وحدة محكوكة و وحدة مقسومة على اربعة
2 ضروس ثوم
ربطة ديال القزبر
ملح و ابزار و سكينجبير و خرقوم و شوية زعفران حر و تحميرة حلوة و حارة
خيزو و كرعة خضرا
كرعة حمرا يكون المقدار ديالها ضعف خيزو و الكرعة
فلفلة خضرا صحيحة نثقبوها بالموس
فلفلة او 2 حارين (مانثقبوهمش باش مايطلقوش الحرورة)
زيت بلدية

الطريقة

نديرو الزيت في طنجرة مع البصلة و مطيشة و الملح و التوابل كلها و القزبر مربط و نخلطو كلشي و نزيدو الحوت و كاس ديال الماء و نغطيوه يطيب و نحركو الطنجرة مرة مرة حتى يطيب الحوت ماكايخدش الوقت بزاف فالطياب و منين يطيب الحوت نزولوه من الطنجرة و نزيدو فيها الماء و نديرو فيها الخضر و نخليوهم يطيبو
بالنسبة للكسكسو نفوروه 3 مرات و اما نفوروه بوحدو او مع الخضر
عند التقديم نحطو الكسكسو مفور في الطبق و نديرو الحوت و الخضر و نسقيو بحال الكسكسو العادي

حلوى بالفريز و لاكريم باتيسيير و الفلان

*مقادير الجينواز

4 بيضات
120 غرام سنيدة
120 غرام دقيق
قبصة ملح
1 فاني
ملعقة صغيرة خميرة حلوى
قشرة حامض محكوكة للتنسيم (اختياري)

*مقادير لاكريم باتيسيير

نصف لتر حليب مغلي و دافي
125 غرام سنيدة
50 غرام نشا
3 اصفر البيض
1 فاني
ملعقة صغيرة زبدة

*مقادير الفلان

نصف لتر عصير برتقال
2 معالق كبار سنيدة
ساشي فلان ديال درهم
*التزيين
نصف كيلو فريز مغسول و مقسوم على جوج
شكلاط اسود محكوك او مدوب

الطريقة
لتحضير الجينواز نخلطو البيض مع السكر و الفاني و قبصة ملح مزيان بالباطور حتى يرغوي الخليط و يتضاعف الحجم ديالو ثم نضيف الدقيق مغربل مع الخمارة و نخلطو بالضراب اليدوي و نديرو الخليط في طاوة ديال الفران مفرشين ليها ورق سيلفيريزي او مدهونة مزيان بالزبدة و مرشوشة بالدقيق و ندخلوها للفران تطيب و تجمع راسها بلا ما تتحمر ثم نخرجوها و نخليوها تبرد
لتحضير لاكريم باتسيير نخلطو الصفر مع سنيدة و الفاني و النشا مزيان بالباطور ثم نضيف الحليب بعدما ولى دافي و نخلطو بالضراب اليدوي و نديرو الخليط في كسرونة فوق نار هادئة مع التحريك حتى تعقد الكريما و نزولوها من فوق النار و نزيدو عليها الزبدة و نحركو
ناخدو زليفات ديال الزاج صغار اللي غدي نقدمو فيهم و نقطعو الجينواز دوائر قد قاع الزلافة و نديرو في كل زلافة دائرة من الجينواز و نديرو فوق كل دائرة طبقة ديال لاكريم باتيسيير بنفس السمك و نستفو فوقها انصاف الفريز نثبتوهم فوق لاكريم و ندخلوها شوية للثلاجة بينما وجدنا الفلان
نخلطو مقادير الفلان و نديروها تغلي فوق النار (تقريبا خمس دقائق) ثم نخرجو الزليفات من الثلاجة و نبداو نكبو الفلان بالملعقة في كل زلافة باش نديرو طبقة ديال الفلان ثم نغطيو الزليفات بورق الالمنيوم و ندخلوهم للثلاجة يبردو مزيان الى حين التقديم و منين نبغيو نقدموهم نزينوهم بالشكلاط محكوك او ندوبوه و نديروه على شكل خطوط
يمكن تعويض الزليفات بمول كبير مع اتباع نفس الطريقة و يمكن كذلك تعويض الفريز بالخوخ مقشر و مقطع شرائح

كيش بالدجاج و الفطر

المقادير

العجين

250 غرام دقيق
125 غرام زبدة
ملح و ابزار
شوية ماء بارد من الثلاجة لجمع العجين

الحشوة

250 غرام قطع دجاج (او بيبي او كفتة)
2 بصلات مشنفين او مشلضين
علبة ديال الفطر مقطع (او فطر طري )
كاس كبير حليب
3 بيضات مطربين
2 فرماجات
ملح و ابزار
100 غرام فرماج احمر محكوك

الطريقة

نخدمو الدقيق مع الزبدة و شوية ملح و ابزار مزيان بالاصابع حتى يترمل الخليط و نجمعو بشوية ماء بارد و نديرو العجينة في بلاستيك غذائي و نديروها نصف ساعة في الثلاجة
نشحرو البصلة و الدجاج فالزيت و نزيدو الفطر و نخليوهم يتشحرو مزيان و نديرو الملح و البزار و منين يبردو نزيدو عليهم الحليب و البيض و الفرماجات و نخلطو مزيان
نطلقو العجين بالدلاك و نديروه في مول و نتكوه مزيان بالفورشيت و نكبو عليه الحشوة و ندخلوه للفران يطيب نجربو بموس الى خرج ناشف نعرفوه طاب ثم نخرجوه من الفران و ندير عليه الفرماج محكوك و نرجعوه للفران مطفي حتى يدوب الفرماج بحرارة الفرن و نخرجوه

بناشي بالفرماج :

1/2 حليب
2 قطع فرماج مربع
كاس يوغورت مسوس
كاس عصير البرتقال
سكر حسب الذوق
يخلط الكل في الخلاط و يقدم باردا.

[line]

عصير

2 بطاطس مسلوقات و مقشرات و مقطعات
.. خزوات
1 لتر لبن
1 لفاني
يوغورت بنان
1 قطعة فروماج مربع
سنيدة حسب الذوق

يخلط الكل في الخلاط الكهربائي و يقدم باردا

بطاطا سريعة التحضير

1 خزو محكوك
1 كرعة محكوكة
1 بصلة مشلدة
1 م ك زبدة
م سكين جبير خضر
2 ضرس ثومة
ملح ابزار سودانية
بيضة
راس م ص بيكاربونات صودا
4 بطاطا كبيرة محكوكين و معصرين من الماء مزيان

ناخدوا البصل نحمروه فالزبدة مع سكين جبير و الثوم
ثم نضيفه الكرعة و خزو و التوابل و نتركهم يتشحر
ثم نضيفو الخليط للبطاطا و البيضة و البيكاربونات
نخلطوهم مزيان و نعمروا بيهم كواغط الحلوة و نعملوا عليهم الفروماج و ندخلوهم للفرن متوسط 15 الى 20د

بطاطا معمرة في الفرن

المقادير

4 بطاطات كبار (من الاحسن تكون بيضا )
شوية جلبانة
2 خيزوات مقطعين مكعبات صغار
معدنوس مقطع
فرماج محكوك
صوص بيشاميل
بزار ملح
لاشابلير(تقريبا ثلاثة معالق كبار )

نغسلو البطاطا مزيان و نخليوها بقشورها ثم نلويوها في ورق الالمنيوم و نشويوها في الفران
ندخلو فيها السكين باش نشوفو واش دخلها الطياب و نخرجوها ما تطيبش بزاف
منين تكون البطاطا في الفران نصلقو خيزو و الجلبانة مع شوية الملح ثم نصفيوهم
نقسمو البطاطاعلى جوج و نخويوها شوية بملعقة صغيرة
نخلطو البطاطا اللي زولنا مع خيزو و الجلبانة و شوية الملح و البزار و المعدنوس و صلصة البشاميل ونعمرو البطاطا ونرشوها بلاشابلير ثم نديرو فوقها الفرماج محكوك و ندخلوها للفران غير يذوب الفرماج ويتدهب اللون ديالها ونخرجوها ثم نقدموها بالصحة و الراحة كتجي غزالة خصوصا للعشاء

صبيعات بالكفتة و الخضر في الفرن

المقادير

رابعة كفتة
قزبر و معدنوس مقطعين
بزار سكين جبير ملح راس ملعقة صغيرة قزبر يابس مدقوق
رابعة بطاطا مقشرة و محكوكة رقيق و معصرة من الماء
رابعة خيزو مقشر ومحكوك رقيق و معصر
بصلة متوسطة محكوكة في الجهة الغليضة ومعصرة من الماء
بيضة
ربع كاس عنبة زيت مائدة

الطريقة

نخلطو كل المقادير اللي عندنا مزيان و نديرو منهم صبيعات او كويرات ونديروهم في لاطة مدهونة بالزيت و ندخلوهم للفران يطيبو ثم نقدموهم بالصحة و الراحة
هده المقادير كتعطي نصف كيلو
الا بغينا نديروهم طجين كناخدو الطجين نديرو فيه شوية زيت بلدية و نستفو دوائر بصلة و مطيشة ونديرو فوقهم الكويرات ديال الكفتة و الخضر ونغطيوهم بدوائر البصلة و مطيشة و نرشو من الفوق بالتوابل ونديروهم يطيبو على نار مهيلة دون اضافة الماء و بالصحة والراحة

حلوى القرمود les tuilles

المقادير

بيضة (نعبروها ونديرو نفس الوزن ديالها من المقادير الاخرى )
نفس وزن البيضة طحين
نفس الوزن زبدة مذوبة
نفس الوزن سنيدة

الطريقة

نخدمو سنيدة و البيض بالفورشيت ثم نزيدو الزبدة و نخلطو ثم الطحين و نخلطو مزيان و نخليو الخليط يرتاح خمس دقائق
ناخدو لاطة نفرشوها بالورق الخاص و نبداو نهزو شوية من الخليط بالملعقة ونحطو على شكل دويورات و نبسطوهم شوية بظهر الملعقة ثم ندخلوهم لفرن متوسط الحرارة يطيبو غير تبدى الحاشية ديالهم تحمار نخرجوهم و نديروهم بسرعة قبل ما يبردو فوق المدلك باش ياخدو الشكل ديال القرمود او يمكن نديروهم في القوالب الخاصة اللي كتباع و يمكن نلويوهم على جعبة ديال الحرير باش نحصلو على شكل سيكار
خصنا ندخلو غير كمية صغيرة للفران باش نتحكمو فيها قبل ما تبرد حيت غدي تقصاح ومايمكنش لينا نشكلوها كيف بغينا في هذه الحالة خصنا نعاودو ندخلوهم للفران شوية باش يرطابو ثم نخرجوهم و نشكلوهم

سمك الصنور بطريقتين طجين و قطبان

المقادير

ديال الطجين و البروشيت

2حتى ل3 كيلو من سمك الصنور (الطراف ديال الكرش اللي ما فيهمش الشوك نقطعوهم مربعات لتحضير القطبان و جهة السنسول نقطعوها دوائر للطجين )
4 ضروس ثوم محكوكين
عصير نصف حامضة
ملعقة كبيرة كمون
شوية زيتون بلا عظم
ملعقة صغيرة كبار مرقد capres
ملعقة صغيرة سكين جبير
2 معالق كبار تحميرة
شوية البزار
ملعقة صغيرة مطيشة الحك
3 مطيشات مقطعين دوائر بقشورهم
ملعقة خرقوم
زعفران شعرة
ملح
6 اوراق سيدنا موسى
كاس زيت المائدة
كاس كبير ماء
6 عويدات قرنفل
بصلة محكوكة
2 خيزوات مقطعين دوائر
قزبر و معدنوس مقطعين
عويدات كرافس + عويدات معدنوس نفرشوهم للطجين

الطريقة

القطبان

في اناء نديرو البصلة محكوكة + ملعقة صغيرة بزار + ملعقة كبيرة قزبر و معدنوس + ملح + كمون +ملعقة كبيرة تحميرة + زعفران شعرة و نشرملو القطبان و نخليوهم مرقدين فالشرمولة في مكان بارد

الطجين

نفرشو عويدات الكرافص و المعدنوس و اوراق سيدنا موسى و القرنفل في الطجين و نستفو خيزو و نشرملو دوائر السمك مزيان بخليط الكمون و التحميرة و الخرقوم و الثومة و عصير الحامض و سكين جبير و ثلاثة ارباع كاس الزيت ثم نستفوهم في الطجين و نخلطو كاس ال
ماء مع مطيشة الحك و نصبوه فالجناب ديال الطجين ثم نديرو الفوق دوائر مطيشة و الزيتون و الكبار و نرشو بالقزبر و المعدنوس ويمكن نديرو حتى الحامض مصير ثم نديرو الطجين يطيب فوق المجمر ديال الفاخر نخليوه يشرب مزيان تقريبا نصف ساعة
منين يطيب الطجين نصفيو مكعبات السمك اللي رقدنا فشرمولة ثم نزيدو عليهم ربع كاس ديال الزيت اللي بقى لينا و نديروهم فالقطبان و نشويوهم على الفاخر و نقدموهم

flan بالبيض

المقادير

5 بيضات
5 معالق كبار سنيدة
نصف لتر حليب
5 معالق كبار نيسلي
2 معالق كبار ماء + ملعقة كبيرة سكر للكراميل

الطريقة

نديرو الماء و السكر في المول و نديروهم فوق النار باش يولي عندنا كراميل و ندورو المول باش يتغطى كامل بالكراميل (يمكن نزيدو السكر و الماء على حسب حجم المول ) ثم ندخلوه للمجمد يبرد
نخلطو البيض و السكر و الحليب و نيسلي في الخلاط الكهربائي ثم نصب الخليط في المول فوق الكراميل و نديروه في حمام مريم و ندخلوه للفران يطيب ونجربو بسكين الا خرج ناشف راه طاب
اللي ما بغاش يطيبو فالفران كاينة طريقة ديال الكوكوت كنديرو شوية الماء في الكوكوت و نحطو
المول ونديرو قشور البيض في الماء باش ما يفيضش على المول ثم نسدو الكوكوت و نحسبو ربع ساعة بعد الصفارة و نخليوها تبرد ثم نحلوها و هاهو الفلن واجد كيجي ممتاز طبعا نديروه يبرد في الثلاجة و نقدموه بالصحة و الراحة

السلام عليكم ورحمة الله وبركاته

ما شاء الله عليك

بارك الله فيك اختى على الوصفات الرائعة


سلمت يداك

و فيك بارك المولى عز و جل اختي ريحانة و مشكورة على المرور الطيب

الروز بالفروماج

المقادير

* 1/4 روز كلاصي مسلوق
*3او4 خيزو على حسب الحجم محكوك في الحكاكة الرقيقة
* بصلة مشلضة رقيقة
* 2 فروماج
* شوية الملح
* شوية ابزار
* شوية زيت او زبدة

الطريقة

نشحروا البصلة في الزيت او الزبدة حتى ترخى ثم نضيف خيزو ونبداوا نحركوا حتى نحسوا به داب نضيفوا شوية ديال الملح والابزار ثم نضيفوا الفروماج ونحركوا بعد دلك نضيفوا الروز ونحركوا مزيان حتى ينسجم الخليط . كيجي لونوا سومو غزال والمداق لديد.

بريوات بمذاق مالح و حلو

المقادير

رابعة كفتة
بصلة صغيرة محكوكة
شوية الملح
راس ملعقة سكينجبير
2 معالق كبار معدنوس مقطع رقيق
كاس زبيب بلا عظم مرطب في مازهر و مصفي
كاس لوز مصلوق و مفسخ ومنشف( ندهنوه بالزيت و نحمروه فالفران ثم ندقوه بالمهراز من الاحسن)
نصف ملعقة كبيرة مازهر
شوية القرفة مطحونة
ملعقة صغيرة سنيدة
2 معالق كبار زبدة
حكيكة صغيرة ديال الكوزة
رابعة من ورقة البسطيلة

الطريقة

في مقلة فوق النار نديرو البصلة مع الزبدة والملح و نخليوها ترخى شوية ثم نضيف الكفتة و نشحروها مزيان و في الاخير نضيف المعدنوس و الكوزة و سكينجبير و نحركو و نزولوهم من فوق النار
نديرو الزبيب في مقلة مع شوية القرفة و شوية سنيدة و نحركو شوية فوق النار ثم نزولوه و نخلطوه مع اللوز و العناصر الاخرى ثم نعمرو البريوات و ندهنوهم بالزبدة مخلطة مع الزيت و ندخلوهم للفران يطيبو و عند التقديم نزينوهم بالقرفة والسكر او بالعسل مخلط مع القرفة و نقدموهم سخان بالصحة

يا عيني عليكي يا اختي خادمة الحبيب


وصفات رائعة ان شاء رراح اجرب منها

السلام عليكم ورحمة الله وبركاته

تبارك الله عليك اختي
وصفات شهية ان شاء الله نجربها

الله يبارك فيكم اخواتي الغاليات و مشكورات على المرور الطيب

Ana 3odwa jadida atamana an akouna moucharika moustafida wa moufida