حركة 20 فبراير - الدار البيضاء

نداء لساكنة البيضاء

استمرارا للنضالات الناجحة التي تخوضها، تدعو حركة 20 فبراير عموم مواطني ومواطنات الدار البيضاء للمشاركة الفعالة في المسيرة الشعبية التي ستنطلق يوم الأحد القادم 3 أبريل 2011 على الساعة الحادية عشر صباحا (بالتوقيت الصيفي) بساحة النصر (درب عمر)، وذلك من أجل تحقيق مغرب الحرية والديمقراطية والعدالة الاجتماعية.

علاش غنخرجوا نتظاهرو نهار 3 أبريل؟

حيت مكيناش الخدمة، فهاد البلاد كلشي بطالي: اللي عندوا الدبلوم والي ماعندوش
حيت اللي خدامين كيعصروهم 12 لساعة فنهار بجوج دريال
حيت مكاينش التعويض على البطالة (الشوماج) كيما في الدول الديمقراطية
حيت ولا السبطار والمدرسة بالفلوس وخا الناس كيخلصوا الضرائب
حيت الرشوة والمحسوبية شدا من المقدم والشاوش حتا لفوق
حيت باعوا 3500 كلم ديال البحر، اتصالات المغرب، الأراضي الفلاخية المزيانة، لعيون ديال الما... أما تشاوروا مع حتى واحد...أو مازال البيع جاي جاي
حيت شعلو العافية في السكنى أفوق هدالشي كيهدموا على الناس لبرارك
حيت ديما كينا الزيادة فالأسعار والخلصة ديما هيا هيا
حيت كنخلصو أغايخلصو أولادنا كريديات ماشدينهاش
حيت لفلوس والملك العام كيتسرق أكيسيفطوه للأبناك فبرا
حيت بزاف ديال المناضلين مشدودين فلحبسات، لحقاش كيدافعوا باش يكون مغرب زوين
حيت اللي غوت على حقوا ولا بيدير جمعية... كيتعصا أكيتقمع
حيت كينا الحكرة والظلم أمكنقدوش نقولو اللي بغينا
حيت القضاء ديال اللي عندو الفلوس أباك صاحبي
بغينا اللي يحكم يتحاسب و ما يفلتش من العقاب
بغينا دستور ديمقراطي ديال الشعب
حيت كنبغيو هد البلاد أباغيين الأجيال الي جاية تعيش بخير

السلام عليكم ورحمة الله وبركاته

بارك الله فيك على نقل التوضيحات المباركة

صاحب الجلالة اعطى تعليماته واسس لجنةاصلاح الدستور .خاصنا ننتظر اللجنةحتى نعرفوا بما اخرجت من نتائج عاد نعقبوا على قراراتها وحنا عندنا كامل الحرية نعبروا باللي انفسنا ونعقبوا بكل شفافية لمطالبنا ومنخلوش للمفسدين في الارض حتى شي طريق اللي غادين اهدموا بها امن البلاد مادام صاحب الجلالة الله ينصره افتح لنا المجال علاش الفوضى؟
انا ماشي ضد المظاهرة انا براسي عندي دبلوم من 1976 وما زالت ماخدامش الرزق في يد الله والامن خاصنا نحافظوا عليه بحث الله عز وجل قال في حق سيدنا ابراهيم الخليل رب اجعل هدا البلد امنا وارزق اهله من الثمرات... سبق الامن عن الرزق اولا ادن الامن كل واحد منا مسؤول عليه امام الله يا اخوتي لمادا هده الفوضى ؟ واش ما كتشوفوش اش وقع في بعض الدول العربية؟ خودوا العبرة الله يجازكم
ننتظروا جميعا بما اخرجت به لجنة اصلاح الدستور ومانسببوش في تدمير بلادنا....... كلما اوقدوا نارا للحرب اطفاها الله................. ومانكونوش من هادوك اللي قال الله فيهم ويسعون في الارض فسادا......... الله يهدي الجميع لطر يق الله ............

السلام عليكم ورحمة الله وبركاته

أهلا بك أخي Salah10 ومرحبا بك بيننا

نعم أخي وأتفق معك في ما ذكرت لكني لاحظت أنك ذكرت مصطلح الفوضى عدة مرات وقرنته بالمظاهرات.

لحد الساعة حركة 20 فبراير تعرف إنضباطا ويقظة في جميع تحركاتها، ونحن نمارس حقنا في التظاهر والتعبير كسائر المجتمعات في العالم، أما الإنتظار الإنتظار الإنتظار فهذا خيار مورس على الشعب وفرض عليه أكثر من 50 سنة، من أراد أن ينتظر فلينتظر هذا شأنه.

نحن شباب 20 فبراير نطالب اليوم قبل الغد بالإستجابة لمطالب الشعب المغربي في جميع حقوقه المشروعة "العمل السكن الشوماج التوزيع العادجل للثروات محاسبة المفسدين إعادة صياغة الدستور العدل ...إلخ.

هذه مطالب كان الأجدر أن تلىا بدون أن يخرج الألاف إلى الشارع لأنها حق طبيعي في البلدان الديمقراطية التي تحترم شعبها، وبما أن العكس هو ما نعيشه في أحسن بلد في العالم، فسنخرج معتصمين مسالمين للشارع للمطالبة بحقوقنا وبحقوق المستضعفين من الشعب المغربي، حتى تلبا جلها لا بعضها.

مشكور على مداخلتك الطيبة :)

السلام عليكم ورحمة الله وبركاته

سأل رجل (غير مغربي) رجلا مغربيا : ما هي أحلامك ؟

أجاب المغربي :
* أحلم أن أعيش بكرامة
* أحلم أن يكون لي بيت خاص بي
* أحلم أن أتداوى أنا و أسرتي مجانا كلما مرضنا
* أحلم أن يدرس أولادي و أن يتعلموا تعليما جيدا،

هنا قاطعه الرجل (الغير مغربي طبعا) و قال له

v
v
v
v
v
v
v
v
v
v
v
v
v
v
v

يا سيدي سألتك عن أحلامك لا عن حقوقك !!!!

و لكم التعليق