عييت منسول راسي،علاش بنادم مانادم،غير كيجري!
صباح راه خادم، وبالليل بحال يلا عدم
ومالك أسيدي شوف راسك ودخل سوقو
ولا راه مغيعجبكش لي غادي تذوقو
عيينا فيك أودي حظي عيوبك
راه كتكثر عليك غير ذنوبك
خلي عليك الناس!ولا راه غادي تلقى منهم الباس
ومحال واش يديك النعاس عرفتي لاش!
حيث ركبك الوسواس
وعلاه كيصحابك تتبع عورات الناس مزيان
راه ذم الرحمان وعدو من العصيان
ونهى عليه النبي العدنان
إيوى بقا راسك قاسح
هداك الساعة مينفع فيك ناصح
وراه لي نسا عيوبو
يتسنى شنوا غادي ينوبو
ويلا شتي الناس صورتك هملوا
ووجهك مبقاو يحملو
تعرف بلا كلا يلقا فعلوا