عبد العزيز
27-11-2006, 15:58
فيوم من ايام زمان.. بغيت نحقق الامان
وكان الحل عندي ! هو نطلع البرلمان..
ظنيت بلا يمكن لي.. نساعد هاد الإنسان
ساعة ...لهلا يوريك آش كان فذاك المكان...
وبعدا.... قبل منوصل ليه بلا منقول ليك آش كان...
هالي دقيت عليه .....! دار راسو عيان..
وواحد شرى بوق وبقى عريان....
وحتى واحد لي....مابقى مابان...
راه لي قرسوا الحنش... تيخاف الثعبان..
جمعت راسي ...ودقيت باب قبة لامان .
المكان لي مافيه لا أمن لا امان....
كاين لي سماه... بر – أمان..
ولاخر...قاليك برالأمان....
فلحقيقة راه لا بر... لا أمان.....
المهم...تحديث العقبات الجسام..
وزدت برجلي للقدام.... !
وهما يبانو لي ريوس بحال النعام
تنقول فراسي واش هادوا.... فراخ ولا حمام
لا وقيلا...ذبان مجموع على شي طعام...
بعدا.... بانوا ليا لابسين ثوب لحزان..
شي شاد اللور وشي زايد لقدام....
صحابهوم فالجنة.... وهما فجهنام
هالي ناعس....وها لي فخبر كان..
ومنهم لي غطى راسوا بكاشة...مبغاش يبان
وواحد كملها وجملها جاي سكران...
بلا سباط ...داخل حفيان...
الناس برى فلمحان...وهو داخل فرحان
كون غير جاب معاه الكمان....
وشي زمارة... وشد لكوان....
يغني لينا والله زمان.....
اودي الناس فالزحام..
.وهو.... متيسع فوق حصان
كاين لي خايف على بلاصتو...جاب الدراري ولمدام..
مسكين...خايف يدور يهزوا ليه الكرسي ولعلام ...
اللهم يربط راسوا والكرسي بحزام.....
أوى الله ينعل الشيطان.....
فيقوا علينا هداك الحرام....
راه.... صعيب الواحد يتعود العصيان..
ميفكر فدين.... ميفكر فرحمان..
يبقا تالف... بلا زاد بلا إيمان...
حيث ماتبع النبي العدنان....
لي ربي مدحوا..فجميع سور القرآن...
صلوا عليه.... يشفع فينا يوم الزحام
صلى وسلام على زين الأسام...
رسول الله وآلو. وصحابوا لكرام . وأمتو خير الامم
وكان الحل عندي ! هو نطلع البرلمان..
ظنيت بلا يمكن لي.. نساعد هاد الإنسان
ساعة ...لهلا يوريك آش كان فذاك المكان...
وبعدا.... قبل منوصل ليه بلا منقول ليك آش كان...
هالي دقيت عليه .....! دار راسو عيان..
وواحد شرى بوق وبقى عريان....
وحتى واحد لي....مابقى مابان...
راه لي قرسوا الحنش... تيخاف الثعبان..
جمعت راسي ...ودقيت باب قبة لامان .
المكان لي مافيه لا أمن لا امان....
كاين لي سماه... بر – أمان..
ولاخر...قاليك برالأمان....
فلحقيقة راه لا بر... لا أمان.....
المهم...تحديث العقبات الجسام..
وزدت برجلي للقدام.... !
وهما يبانو لي ريوس بحال النعام
تنقول فراسي واش هادوا.... فراخ ولا حمام
لا وقيلا...ذبان مجموع على شي طعام...
بعدا.... بانوا ليا لابسين ثوب لحزان..
شي شاد اللور وشي زايد لقدام....
صحابهوم فالجنة.... وهما فجهنام
هالي ناعس....وها لي فخبر كان..
ومنهم لي غطى راسوا بكاشة...مبغاش يبان
وواحد كملها وجملها جاي سكران...
بلا سباط ...داخل حفيان...
الناس برى فلمحان...وهو داخل فرحان
كون غير جاب معاه الكمان....
وشي زمارة... وشد لكوان....
يغني لينا والله زمان.....
اودي الناس فالزحام..
.وهو.... متيسع فوق حصان
كاين لي خايف على بلاصتو...جاب الدراري ولمدام..
مسكين...خايف يدور يهزوا ليه الكرسي ولعلام ...
اللهم يربط راسوا والكرسي بحزام.....
أوى الله ينعل الشيطان.....
فيقوا علينا هداك الحرام....
راه.... صعيب الواحد يتعود العصيان..
ميفكر فدين.... ميفكر فرحمان..
يبقا تالف... بلا زاد بلا إيمان...
حيث ماتبع النبي العدنان....
لي ربي مدحوا..فجميع سور القرآن...
صلوا عليه.... يشفع فينا يوم الزحام
صلى وسلام على زين الأسام...
رسول الله وآلو. وصحابوا لكرام . وأمتو خير الامم