نعود ليكم على واحد الصرصور.... علي بارك تيدور
تيدخل من الباب... وتا يخرج من الصور
خليتو فالظلام.... ونا نمشي للنور..
ساعة ! حالف حتى علي تيجور..
سولني... واش وجد عندكم الباكور؟
قلت ليه... أودي راه رجليك عياو، شري ليك شي موطور..
تا أنا آش درت ليه !.... غير حيث طلبت الحور..
علم الله كون كتبت خارج السطور....
كون راه شحال هادي قطعني لبحور...
قاليك تيتخطى الحضور...
حسن ليك.... دير شي كاردكور
أسيدي ...بسع مني وباركة عليا من الهدور
يلا نتى فوق الرخام..أنا غير على أرض بور..
مني عيا تكلم... وقال لي بالمصرية.....غور !
رديتها ليه وقلت...ومالك داير علي الطابور...
سبحان الله ! لي شافو ميقول غير شي ثور....
مسكين تيصحابوا بحالي بحال شي حد آخور..
انشاء الله لاكانت ليه..... راني ساطور
يلا كان هو صرصور.... راني كنروض النمور...

تبارك الله عليك اخي عبد العزيز
واقيلا هادي كتبتيها ايام الاعتقال
شفتي السجن كيخرج الشعراء
ماشاء الله لا قوة الا بالله
جزاك الله كل خير قصيدة زجلية رائعة
و لك ألف تحية

الله يبارك فيك أختي خادمة الحبيب جزاك الله خيرا بحال عبد العزيز بحال الأخ دريس الحمد لله يجمعنا الحب في الله وأخوة الدنيا والآخرة..........