نصائح مهمه للبنات والمتزوجات لسعادتك مستنيه ايه تعالى شوفى بسرعه؟؟؟؟؟؟؟؟؟؟؟؟ [الأرشيف]

سمير

15-12-2006, 01:08

اتفضلوا ..اهلا و سهلا..اهلا و سهلا
خلاص كلكوا جيتوا؟؟طيب ..اطفوا النور عشان نشغل البروجيكتور
ازاى تخلى زوجك يفضل يحبك على طول ????????????

ازاى تخليه يشتاق يرجع بيته بسرعه؟؟؟؟؟؟؟؟

يلا نبدا مع بعض شويه الطرق دى ياااااااااااااارب تعجبكم

الطريقة الاولى:

لازم تنوعى فى اختيار لبسك كل يوم تكون فكرة جديدة..وياحبذا لو يكون فى نفس اليوم اكتر من فكرة..مثلا كل ما ينزل يصلى و يطلع يلقيك لابسة حاجة تانية..

مرة تلبسى لبس شبابى خفيف:شورت وبادى..مثلا..ومرة تلبسى لبس ليدى:قميص نوم شيك وشبشب
ريش..ومرة تلبسى لبس فيه شقاوة وطفولة..وتعملى شعرك ضفيرتين او ديلين حصان..مرة لبس
غجرى:عباية غجرية..عارفينها بتاعة البدويات ديه ..وتعملى شعرك كيرلى..وتلبسى اكسسوار
بدوى وخلخال.....ونوعى انتى بأه وابتكرى..

بس خلى بالك لو زوجك مش بيحب التغيير السريع ..يبقى كفاية علينا كل يوم ستايل جديد ..او كل
يومين تلاتة..

وخلى بالك كمان ..ماتحرقيش مفاجآتك كلها يعنى ممكن تكررى اكتر من ستايل و بعدين تدخلى
واحد جديد وهكذا...
وانتى وشطارتك تقدرى تكونى 100 شكل مختلف لنفس الاستايل وبتغيير بسيط ..عشان لا تكلفين
نفسك جامد..ممكن تبدلى الاكسسوار او التسريحة او اى حاجة وبكدة بيصير عندك طقم جديد

الطريقة الثانية:

فيها شبه من الاولى بس على اوسع

يعنى بدل ما يكون التغيير فى اللبس بس بيكون فى كل حاجة

يعنى تعملى كل اسبوع مثلا ليلة هندية او ليلة مغربية..او مصرية..وهكذا...

قولتيلى ازاى ؟؟؟
اقولك انا ..

يعنى الليلة الهندية مثلا تلبسى فيها زى هندى واكسسوار هندى وتعملى اكلة هندى وتحاولى تغيرى فى شكل الترابيزة(الطاولة)بمفرش عليه نقوش هندية أو شموع فيها لمسة هندية..و ممكن تلاقى فوط سفرة فيها النقوش ديه..و لو جبت فيل حايبقى المشهد رووووعة
ومع الزى الهندى بيكون تحفة
ونفس النظام بيكون مع باقى الليالى (السورية..المغربية......)

بس الافضل انك تكرريها مرة كل شهر

قولتيلى ليه؟؟

عشان يا ستى :اولا:الليلة ديه بتحتاج مجهود كبير منك..
ثانيا:عشان اما تكرريها ورا بعض حاتفقد روعتها و حتبقى قديمة و بايخة

خليه يستناها كل شهر وخليه يسألك كل يوم هو النهاردة كام فى الشهر؟؟

بالنسبة لفكرة الليالى ديه انتى ممكن توسعيها..يعنى تاخد شكل حفلة
قولتيلى ازاى؟
اقولك..يعنى يا ستى تعملى بطاقة دعوة لزوجك حبيبك وتحطيهاله فى مكان سهل يلاقيها فيه

مثلا.. فى جيب القميص او فوق الوسادة او حتى لو انتى رومانسبة اوى بأة تبعتيهاله على شغله بالبريد
ويستحسن برضه انك تبعتيها قبلها بيومين تلاتة عشان الشوق يزداد و تلاقى زوجك متحمس فى شغله وبيعد الايام لحد ما ييجى يوم الحفلة

او ممكن تكون مبتكرة زى مثلا وردة بلدى حمراء وعلقى فيها قلب احمر(ممكن تعمليه من الكرتون)
وتكتبى ع الكارت معاد الحفلة وكلمة حب رقيقة منك
لو زوجك بيشتغل فى مجال الكمبيوتر ممكن تبعتى كارت رومانسى من مواقع الكرووت وتكتبى فيه

اهم حاجة فى الموضوع هى عنصر المفاجأة
يعنى تختارى وقت مايكونش زوجك متوقع انه هو معاد الحفلة(يعنى مش لازم فى اخر الشهر)او اوله

ممكن كمان تغيرى شوية فى الفكرة

يعنى بدل ما تبقى ليلة مغربية او... او...خليها مثلا سهرة االون الازرق

يعنى تلبسى اليوم ده ازرق وتعلقى بالونات زرقاء والدعوة تكون زرقاء وكمان ادوات السفرة

تقوليلى ازاى ؟؟هو انا حاجيب اطقم بكل الالوان ؟؟

يعنى ممكن تخلى فوط السفره زرقا وتجيبى شرايط ستان وتزينى بيها الكاسات والمائده اكيد انتوا فاهمين

الطريقة التالتة
ممكن تروحى للخطاط يكتبلك شهادة تقدير..يكون نصها:

يسر الحياة الزوجية ان تهنىء الزوج الغالى/........على اجتيازه سنوات الحب(وتكتبى عددها)بنجاح

و تهنئه على تفوقه فى مشاعر الحب و الرومانسية و الاخلاق الرائعة...

مع تمنياتنا له بالحياة السعيدة فى ظل زوجته المحبة..

وبعدين اكتبى

اسم الزوجة وتحتها التوقيع (ويا ريت يكون حاجة بالروج يعنى

الطريقة الرابعة
ممكن تحطى فى مكان واضح تقرير الاحوال الجوية فى البيت

الطقس/حب عاصف

الرياح/اشواق عاتية

والمتوقع/هطول قبلات غزيرة على رأسك فاحترس

الطريقة الخامسة
ممكن تعملى قلوب حمراء كتيرة بالكرتون و ترسمى عليها اسهم لحد السرير اللى تبقى حاطة عليه
هدية متغلفة بالاحمر و حواليها ورد احمر على
كل قلب و ترشى ع السرير ورد مفرط احمر

واوعى تنسى البارفان اللى لازم ترشيه فى الاوضة

وصلنا للطريقة الكام؟؟؟اه
الطريقة السادسة

الطريقة ديه يا بنات حاتكسبكو ثواب انما ايييييه

تقولولى ازاى؟؟

اقولكو

اما تيجى صلاة الفجر و زوجك حبيبك نااااااااااااايم وغرقان فى سابع نومة

حاتعملى ايه؟؟؟

تقوليلى اصحيه واقوله يالا يا حبيبى عشان الصلاة

اقولك مش حايصحى

امال تعملى ايه؟؟

بصى يا ستى انت تغسلى ايدك بماية باردة(مش متلجة عشان مايتخضش و يزعل منك
وبعدين تحطى على ايدك من البارفان بتاعك اللى هوه بيحبه

وتربتى على خده بالراااحة بالررراحة بالراحةةةةةةةةة

يقوم يفتح عينه ويقول:ايه ده؟ هو انا فى الجنة ولا لسة فى بيتنا؟؟
خدى ديه كمان

هاتى ريشة (مش عارفة منين بس اتصرفى)ومرريها على وجهه

فى الاول هايهشك وبعدين حايصحى

وياسلام لو عملتى الطرقتين مع بعض...يا سلاااااااااام

يارب تفيدكم الطرق دى يااااااااااااااارب ويسعد كل البنات والمتزوجات