القلب يعشق كل جميل


و ياما شفتي جمال يا عين
و اللي صدق في الحب قليل
و إن دام يدوم يوم والا يومين
واللي هويته اليوم
دايم وصاله دوم
لا يعاتب اللي يتوب
و لا في طبعه اللوم
واحد مافيش غيره
ملا الوجود نوره
دعاني لبيته لحد باب بيته
و أما تجلالي بالدمع ناجيته

كنت أبتعد عنه و كان يناديني
و يقول مسيرك يوم
تخضعلي و تجيلي
طاوعني يا عبدي
طاوعني أنا وحدي
مالك حبيب غيري
قبلي و لا بعدي
أنا اللي أعطيتك من غير ما تتكلم
و أنا اللي علمتك من غير ما تتعلم
و اللي هديته إليك
لو تحسبه بإيديك
تشوف جمايلي عليك
من كل شيء أعظم
سلملنا سلملنا تسلم
دعاني لبيته لحد باب بيته
و أما تجلالي بالدمع ناجيته

مكة و فيها جبال النور
طالة على البيت المعمور
دخلنا باب السلام
غمر قلوبنا السلام
بعفو رب غفور
فوقنا حمام الحما
عدد نجوم السما
طاير علينا يطوف
ألوف تتابع ألوف
طاير يهني الضيوف
بالعفو و المرحمة
و اللي نظم سيره
واحد مفيش غيره
دعاني لبيته لحد باب بيته
و أما تجلالي بالدمع ناجيته

جينا على روضة هالة من الجنة
فيها الأحبة تنول كل اللي تتمنى
فيها طرب و سرور
و فيها نور على نور
و كاس محبة يدور
واللي شرب غنا
و ملايكة الرحمن
كانت بنا ندمان
بالصبر و الغفران جاية تبشرنا
ياريت حبايبنا ينولوا
ينولوا ما نلنا يارب
يارب توعدهم يارب
يارب و اقبلنا
دعاني لبيته لحد باب بيته
و أما تجلالي بالدمع نجيته

http://img182.imageshack.us/img182/6756/bismellah46kast7rv9jr0.gif
http://7odi.com/up/uploads1/a636ecd6fc.bmp

http://www.3bsy.com/up/RbL63287.gif

دائما الجديد والتميز

بورك فيك أخي الكريم

واصل تألقك :)