أمثلة مغربية شعبية، أتمم المثل

[أم آلآء]

السلام عليكم ورحمة الله وبركاته
اللي كيعيش أناني كيبقى في الأخير وحداني
( الله مع الجماعة)
المثل الذي سأقترح عليكم هو:
......يعاون راسو ..... ويقول مال ..... تعاسو

[المداح]

السلام عليكم ورحمة الله وبركاته

المثل هو:

المزلوط يعاون راسو بنعاسو ويقول مال ليام تعاسو

سأقترح عليكم المثل :

اللي .......ما يهضر ......................للمعلم

[أم آلآء]

وعليكم السلام ورحمة الله وبركاته
اللي بغا يتعلم ما يهضر ما يتكلم و يحدر راسو للمعلم
أقترح عليكم المثل:
حتى .........عاد قال ........ ملح

[المداح]

السلام عليكم ورحمة الله وبركاته

عندنا كانقولو:

حتا شبع عمي صالح عاد جاه الخبز مالح، ههههه

أقترح:


لا يعجبك..........و لا يعجبك..........الفعايل

[أم آلآء]

لايعجبك نـوار الدفلة فالواد داير الضلايل *** ومايعجبك زين الطفلة حتى تشوف الفعايل
أقترح:



اللي ما........, و..........,و ........موتو خير من حياتو

[عادل محسن]

السلام عليكم ورحمة الله وبركاته

اللي مايقرا براتو, ولا يصبن كساتو ,ولا يطبخ عشاتو موتو خير من حياتو
وهناك مثل يطابقه : • اللي ما ييخيط كساتو, ويطيب غذاتو, ويحلب شاتو عزيه فحياتو.
واقترح :

الحرفة ........... تستر, أو ...................

[أم آلآء]

الحرفة الى ما غنات تستر أو واقيلا تزيد فالعمر.
واقترح :
اللي ....... على مايدة,وما..... منو فايدة,,...... عازايدة

[زيد الخير]

السلام عليكم ورحمة الله وبركاته

تتمة المثل الشعبي أظنها: لي ما تدي منو فايدة و تكلس معاه على مايدة رفاكتو عا زايدة.
و المعنى ظاهر،أي لي ماشي كريم و ما تستفد منو والو أحسن ليك تفارقو.

أما المثل الذي أقترحه فهو كالتالي: اللَّهُمَّ ... و تونس وْ لاَّ ...تهوس.
و أرجو من المجيب على المثل أن يعطي بعض الشرح.

[خادمة الحبيب]

السلام عليكم ورحمة الله وبركاته

مثلك أخي هو :

اللهم بخوشة و تونس و لا ياقوتة و تهوس

[خادمة الحبيب]

و المثل يقول:

ما تقطع ............. وما تمشي ................ وما تصحب ................. خبارو.

[أم آلآء]

وعليكم السلام ورحمة الله وبركاته
نسيت عزيزتي خادمة الحبيب أن تعطي شرحا بسيطا للمثل: اللهم بخوشة و تونس و لا ياقوتة و تهوس



أظن أن المقصود عدم الاهتمام بالمظاهر بقدر ما يجب الاهتمام بما ستنتفع به من صحبة الشخص، لكن يجب القول بالرغم من ذكر "بخوشة" فالخطاب ليس موجها فقط لجنس الأنثى بل هو خطاب عام، فيمكن تعويض كلمة بخوشة بسراق الزيت ليكون المقصود المخاطب كيفما كان جنسه:d.
أما المثل الذي اقترحته أختي خادمة الحبيب فتتمته:
ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو.

[أم آلآء]

السلام عليكم ورحمة الله وبركاته
أقترح:
آشداني ل................راسو
المرجو ممّن سيعطي الإجابة أن يضيف شرحا بسيطا، بارك الله فيكم.

[عابرة سبيل]

السلام عليكم ورحمة الله وبركاته

آشداني لقرع نمشطلو راسو

صراحة لم اعرف المعنى ديالو ممكن لي عرف معناه يشرح لينا وشكرا

[عابرة سبيل]

السلام عليكم ورحمة الله وبركاته

الزين ........... الله يجيب

[أم آلآء]

وعليكم السلام ورحمة الله وبركاته
منين كيتدخل شي واحد فيما لا يعنيه و كايكل العصا ،كيقول هاد المثل؛ المهم جوابك غاليتي صحيح، ننتظر اقتراحك.