قالوا سيادنا لوالا
*إلى عطاك العاطي لا تحرث لا تواطي
*الهدية مقبولة و لو كانت فولة
*الحر بالغمزة و العبد بالدبزة
*الخيل مربوطة و الحمير كتبورد
*الصدقة صدقة فالمقربين أولى
*آش خاصك أ لعريان خاصني خاتم أ مولاي
*قاليه باك طاح فالسوق قاليه من الخيمة مشى راكب عوج
*يدك منك واخا تكون مجدامة
*حاجة الخاطر كتسوى القناطر
*حتى شبع صالح عاد قال طعامكم مالح
*حرف فالقلوب حسن من عشرة فالكتوب
*خسارة المال و لا خسارة الرجال
*اللي سبقك بليلة سبقك بحيلة
*عند رخصو تخلي نصو
*لمكسي بديال الناس عريان
*اللي مشى بلا عراضة يجلس بلا فراش
*سال المجرب ما تسال الطبيب
*جا يكحلها عماها
*على قد لحافك مد رجليك
*ختار الجار قبل الدار
*اللي عضو الحنش كيخاف من الحبل
*لحوانت متصافة و الأرزاق مختلفة
*الزين تيحشم على زينو و الخيب إلا هداه الله
*حتى زين ما خطاتو لولا
*زواج ليلة تدبيرو عام
*ما كي نسي البنت فأمها غير همها
*كثرة عطيني ما تخلي حد يبغيني
*الزين بحروفو ديه لمو تشوفو و القرع بفلوسو آرا داك الراس نبوسو
*المعروضة فنهارها تبقى فدارها
*الحرفة إلى ما غنات تستر واقيلا تزيد فالعمر
*المندبة كبيرة و الميت فار
*اللي بغى العسل يصبر لقريس النحل
*آجي أ مي نوريك دار خوالي
*ما تقطع الواد حتى تبان حجارو و ما تمشي فالليل حتى يطلع نهارو و ما تصاحب صديق حتى تعرف خبارو
*اللي قال ليك العرس ساهل يسقي لو غير الما
*ما كي حس بالمزود غير اللي مضروب بيه
*ضربني و بكى سبقني و شكى
*اللي دارها بيديه يفكها بسنيه
*مية تخميمة و تخميمة و لا ضربة بمقص
*كون كان الخوخ يداوي كون داوى راسو
*الله يرحم من زار و خفف
*العبد فالتفكير و الرب فالتدبير
*كيبات ياكل مع الديب و يصبح يبكي مع السارح
*اللي زرع الشوك كي حير فحصادو
*يلا درتي بحالك بحالو باش فتيه؟
*اللي تسحر مع الدراري يصبح فاطر
*حاول على حميرك تحج عليه
*اللي جال و شاف حسن من اللي عاش بزاف
*البراني عقوبتو لبلادو
رد مع اقتباس
