كلمات قصيدة "الحرم يا رسول الله".

[أم آلآء]

القسم الأول
الحرم جيت عندك قاصد
يا صاحب الشفاعة الامجد
خوفي بزلتي نتمرمد
يوم الوقوف عند الله
عاري عليك يا محمد
عار الوصيف على مولاه

الحرم يا رسول الله
الحرم جيت عندك قاصد
يا سيدي رسول الله

القسم الثاني
عاري عليك يا ابن القاسم
يا صاحب اللوا و الخاتم
راني على افعالي نادم
ما درت باش نلقى الله
ما تبت ما قريت اللازم
يبليس غرني بهواه

الحرم يا رسول الله
الحرم جيت عندك قاصد
يا سيدي رسول الله

القسم الثالث
يبليس غرني و جلاني
للمصايب الذنوب رماني
ضيعت في الغرور زماني
و الشيب العذار كساه
ما فقت به حين بداني
راسي شاب يا ما اكَواه

الحرم يا رسول الله
الحرم جيت عندك قاصد
يا سيدي رسول الله

القسم الرابع
ما فقت حين ظهر شيبي
و اليوم خفت يظهر عيبي
روحي تعبت في شبابي
و جميع ما فعلت نراه
و اللي دار ربي نلقاه

ٍٍالحرم يا رسول الله
الحرم جيت عندك قاصد
يا سيدي رسول الله

القسم الخامس
يوم نموت يوفى أجلي
لابد نلقى عملي
في القبر كي يكون اسآلي
نكير و منكر معاه
ربي برحمته يغفر لي
و فضله كثير نترجاه

الحرم يا رسول الله
الحرم جيت عندك قاصد
يا سيدي رسول الله

القسم السادس
صل على الرسول الهادي
عين الوجود محمدي
تاج الكرام نور ثمادي
سيدي و سيد خلق الله
نمدح مدح في تنشادي
حتى نسير عند الله

الحرم يا رسول الله
الحرم جيت عندك قاصد
يا سيدي رسول الله

القسم السابع
نمدح مدح العدناني
بالقلب و الاعضا و لساني
مولوع به طول زمني
ذكره في خاطري ما احلاه
احلى من العسل في اكناني
مدح النبي رسول الله

الحرم يا رسول الله
الحرم جيت عندك قاصد
يا سيدي رسول الله

القسم الثامن
مدح الرسول فيه كرايم
و يزيد للقلوب نعايم
ازكى الصلاة عليه و سلم
و اتل الرضى على من يرضاه
و على الحافظ من تعلم
و الوالدين و من رباه

الحرم يا رسول الله
الحرم جيت عندك قاصد
يا سيدي رسول الله

القسم التاسع
احمد بن مسايب مدحك
و الناس تفخر بنشادك
في الخلود درنا جيرانك
يسر لمن طلب مولاه
سبحان ربنا من وداك
و عطاك الفضل و الجاه

الحرم يا رسول الله
الحرم جيت عندك قاصد
يا سيدي رسول الله

القسم العاشر
و اعطاك الفضل و الجود
يا ولد يامنة و حليمة
سعدت بك هاد الأمة
جاهك عظيم عند الله
في يوم ساعة القيامة
عنداك مداحك تنساه
*****